Biz ýakynlaşmagy ugur edinýäris

10-11-nji sentýabr aralygynda Aşgabatda geçiriljek TIF-2024 Türkmenistanyň Maýa goýum maslahatyna gatnaşmak üçin 10-a golaý rus kompaniýalary bellige alyndy.

Hususan-da, Russiýa Federasiýasyndan kompaniýalarynyň arasynda – “Russiýa demirýollary”, “Himwostok”, “Resurs”, SK “Miratorg”, Nowikombank, “Garant” söwda öýi, “Termomiks grupp”, “Faworit” we “Akwitens” ýaly kompaniýalary bar. Maslahatyň guramaçylyk toparyna salgylanyp, TASS-yň habar bermegine görä, Russiýa Federasiýasynyň Ykdysady ösüş ministrligniň hem-de “Sinergiýa” uniwersitetiniň wekilleriniň gatnaşmagy meýilleşdirilýär. Häzirki wagtda maýa goýum maslahatyna gatnaşmak üçin umumylykda 32 ýurtdan 350-den gowrak wekil bellige alyndy.

Maslahatyň maksady – Hazar deňziniň uglewodorod serişdelerine hem-de Galkynyş iri gaz känine daşary ýurt maýa goýumlarynyň çekilmegi, Türkmenistan-Owganystan-Päkistan-Hindistan turbageçiriji ýaly iri taslamalarynyň görkezilişi, gaz himiýasy, elektrik energiýa önümçiligi, gurluşyk, dokma senagaty we ulag, “akylly” oba hojalyk we suw serişdelerinden netijeli peýdalanmak ýaly ugurlar boýunça başlangyçlary işjeňleşdirmek.

Aýry bölümçeler ýaşyl ykdysadyýete we ulag gatnawynyň ösdürilmegine, iki esasy tegelek stollar – metanyň we gazyň zyňyndylaryny azaltmagy göz öňünde tutmak bilen uglewodorody işläp taýýarlamagyň ekologiýa nukdaýnazaryna hem-de Türkmenistanyň ählumumy ykdydadyýete, şol sanda Bütindünýä söwda guramasyna girmek meselelerine bagyşlanylar. Şeýle-de maslahatyň çäginde ýurduň ykdysady gazananlarynyň sergisi gurnalar.

Çäräni gurnaýjylar bolup Türkmenistanyň Maliýe we ykdysadyýet ministrligi, Türkmenstanyň Daşary işler ministrligi hem-de Türkmenistanyň Söwda-senagat palatasy çykyş edýär.

ORIENT news

Foto: orient.tm