Güýzki görkezme tanyşdyrylyşynyñ çäklerinde "Apple" amerikan kompaniýasy iPhone16 täzelenen ugry bilen tanyşdyrdy.

Täze modeller iOS18 içinde gurnalan emeli aň tehnologiýasynyñ esasynda kuwwatly prosessor, kämilleşdirilen kameralar we birnäçe innowasiýa hyzmatlary bilen enjamlaşdyrylan. Emeli aň Siri bilen özarabaglanyşygy gowulandyrýar. Meselem, onuň kömegi bilen ses beýan etmesi arkaly surat we wideo ugradyp, gelýän sms habarlarynyň gysgaça tekst görnüşindäki beýan etmelerini alyp bolýar.

Kompaniýada emeli aňyň işiniň çäklerinde ulanyjylaryň şahsy maglumatlarynyñ ýygnalyp saklanmajagy barada habar berilýär.

Täze modellere öñküsinden 40% has ýokary netijeli A18 çipi ornaşdyrylan. Smartfonlaryň kameralary 48 megapiksile çenli täzelenip, kompýuter fotosuratynyñ täze hyzmatlaryna eýe boldular. Mundan başga-da öndürijiler uzaldylan awtonom iş wagtynda ynandyrýarlar.

Şeýle-de olar rahat surata düşürmek üçin Capture Button sensor düwmesi bilen enjamlaşdyrylan.

Mundan başga-da, "Apple" ekrany ulaldylan iPhone16 Pro we Pro Max modelleriniñ öndürilmegi barada habar berýär. Bu modeller iPhone modelleriniň arasynda awtonom işiniñ iň uzaldylan wagtyny hödürleýärler.

Täze modelleriñ satuwa çykarylmagy 20-nji sentýabra meýilleşdirilen.

Mundan başga-da, apnoe - ukyda dem alyşyñ kadadan çykmagyny anyklaýyş funksiýasy girizilen Watch Series 10 sagatlary hem-de sesleri basýan kämilleşdirilen funksiýasy bolan AirPods 4 bilen tanyşdyryldy.

ORIENT news