Gazagystan Respublikasynyň Ykdysadyýet we söwda ministri Nazarbek Malaýew 10-11-nji sentýabr aralygynda Aşgabat şäherinde geçirilen Türkmenistanyň Maýa goýum maslahatyna gatnaşdy.

Maslahatyň çäginde ol Türkmenistanyň birnäçe edaralarynyň ýolbaşçylary bilen duşuşdy – Ministrler Kabinetiniň ýanyndaky Ulag we aragtanşyk agentliginiň Baş direktory Mämmethan Çakyýew, Maliýe we ykdysadyýet ministriniň orunbasary Babanyýaz Ýalakow, Energetika ministriniň orunbasary Serdar Saparow, “Türkmennebit” Döwlet konserniniň başlygy Guwanç Agajanow we başgalar bilen duşuşdy.

Duşuşyklaryň dowamynda hyzmatdaşlyk boýunça birnäçe meseleler, şol sanda söwda, energetika, senagat, maýa goýum, ulag ýaly pudaklar boýunça gatnaşyklar ara alnyp maslahatlaşdy.

Taraplar söwda we üstaşyr geçelgeleri babatda işi ýeňilleşdirmegiň, söwda aýlanyşygyny ýokarlandyrmagyň we ýük daşaýjylar üçin üstaşyr geçelgeleriniň oňaýly şertleriň döredilemginiň ähmiýeti barada belläp geçdiler. Ýokary wezipeli adamlar ulag, üstaşyr, wiza toplamalaryny bir nusga getirmek boýunça gurallaryň ornaşdyrylmagy, eksport, import we üstaşyr operasiýalarynyň işiniň ýeňilleşdirilmegi, ýük daşaýjylar üçin 1 ýyla çenli möhleti uzaldylan wizalary almak mkasady bilen pudaklaýyn edaralarynyň we ministrlikleriniň gatnaşmagynda onlaýn mejlisini geçirmeklik barada ylalaşdylar.

Bileikdäki taslamalaryň durmuşa geçirilmegine işewrüligi çekmek maksady bilen Türkmenistanyň we Gyrgyzystanyň wekilleri bilelikdäki Maýa goýum ösüş gaznasyny döretmek boýunça işi çaltlaşdyrmak hem-de Gyrgyzystanyň çäginde “Türkmenistan” Işewürlik merkeziniň we kurort we saglygy dikeldiş desgalarynyň gurluşyk taslamalarynyň durmuşa geçirilmegi barada ylalaşdylar.

Şeýle-de Türkmenistandan Gyrgyzystana elektrik energiýasynyň we nebit önümleriniň eksport meseleleri ara alnyp maslahatlaşyldy. Mundan başga-da, 11-nji sentýbarda Maýa goýum maslahatynyň çäklerinde “Türkmenpoçta” poçta aragatnaşyk kompaniýasynyň baş direktory Serdar Owwadow bilen “Gyrgyzpoçtasy” açyk paýdarlar jemgyýetiniň baş direktorynyň arasynda onlaýn-duşuşygy geçirilip, netijede ýurtlar uzakmöhletleýin strategik hyzmatdaşlyk barada ylalaşdyrlar.

Bu Ylalaşygyň maksady poçta ugradyşlarynyň logistikasy hem-de elektron söwdanyň durmukly gatnaşyklaryny ýola goýulmagyndan ybarat. Taraplaryň pikirine görä, bu Ylalaşyk elektron söwdanyň, tejribe we tehnologiýalaryň ösdürilmegi üçin täze müminçilikleri açyp, geljekde ykdysady we durmuş infrastrukturasynyň pugtalandyrylmagyna mümkinçilik berer.

ORIENT news