Biz ýakynlaşmagy ugur edinýäris

“Altyn Asyr” ýapyk görnüşli paýdarlar jemgyýeti tarapyndan ilatymyzy ykjam aragatnaşyk we Internet hyzmatlary bilen üpjün etmek boýunça dyngysyz işler alnyp barylýar.

Ýurdumyzda sanly ykdysadyýeti ösdürmek boýunça Hormatly Arkadagymyzyň we Arkadagly Gahryman Serdarymyzyň taýsyz tagallalary netijesinde “Altyn Asyr” ýapyk görnüşli paýdarlar jemgyýeti ykdysadyýetiň ähli pudaklarynda we guramalarynda, şol sanda bank ulgamynda hem-de ýurdumyzyň telekeçileri we senagatçylary bilen dürli ugurlarda sanly ykdysadyýeti ösdürmek boýunça işjeň hyzmatdaşlygy durmuşa geçirýär.

Häzirki wagtda aragatnaşyk ulgamynda ýokary tehnologiýalar we häzirki zaman ylymyň öňdebaryjy gazananlary işe girizilýär. Şonuň bilen baglylykda, bank ulgamy, awtoulag kärhanasy we başga-da birnäçe kärhana-guramalar bilen dürli ykjam aragatnaşyk hyzmatlary we gysga belgide SMS arkaly müşderilere habar bermek hyzmatlary ýola goýulýar.

Aragatnaşyk ulgamynyň döwrebap ösüşi Döwlet tarapyndan aýratyn üns merkezinde saklanylýar. Hut şonuň üçin “Altyn Asyr” ýapyk görnüşli paýdarlar jemgyýetiniň döredilen güninden başlap, häzirki wagta çenli öýjükli aragatnaşyk ulgamynda ýokary hilli hyzmatlar ýerine ýetirilýär.

Hormatly Prezidentimiziň milli öýjükli aragatnaşyk ulgamyny ösdürmek baradaky aladalary netijesinde “Altyn Asyr” ýapyk görnüşli paýdarlar jemgyýeti birnäçe daşary ýurt kompaniýalary bilen netijeli işleri alyp barýar.

Güljan Baýrammyradowa “Altyn Asyr” ÝGPJ-niň SJB-niň II-klas operatory, Kärdeşler arkalaşygynyň ilkinji guramasynyň işjeň agzasy

Foto: adeptik.com