Biz ýakynlaşmagy ugur edinýäris

Oktýabr aýynyň 14-18-i aralygynda Özbegistan Respublikasynyň Daşkent şäherinde “Sungat we dünýä” ady bilen Häzirkizaman sungatynyň X Halkara sergisi geçirilýär.

Bu sergä döwletimizden Türkmenistanyň Suratkeşler birleşiginiň agzasy, Türkmenistanyň Döwlet çeperçilik akademiýasynyň mugallymy Gahryman Goçmyradow gatnaşýar. Sergide dünýäniň dürli döwletleriniň suratkeşleriniň häzirkizaman çeperçilik akymlarynda döreden nakgaşlyk eserleri görkezilen.

Mälim bolşy ýaly, bu sergi Özbegistan Respublikasynda her iki ýyldan bir gezek geçirilip, onuň geçenki sanyna Türkmenistanyň Suratkeşler birleşiginiň başlygy Çarymyrat Ýazmyradow hem-de Türkmenistanyň Suratkeşler birleşiginiň başlygy Çarymyrat Ýazmyradow hem-de Türkmenistanyň Döwlet çeperçilik akademiýasynyň mugallymy Azat Myradow öz eserleri bilen gatnaşdylar.

Bu gezekki sanynda Türkmenistan Watanymyzdan çeperçilik akademiýasynyň mugallymlary, nakgaş suratkeşler Gahryman Goçmyradowyň “Ne bag duýdy, ne bagban”, Baýram Bazarowyň “Penjiredäki ýagtylyk”, “Gapma-garşylyk”, Wepa Gurdowyň Magtymguly Pyragynyň şygryýet älemine bagyşlanan eserleri mynasyp orun aldy.

ORIENT news

Foto: Türkmenistanyň Suratkeşler birleşigi