Biz ýakynlaşmagy ugur edinýäris

17-nji dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow “Türkmenistan — ABŞ” işewürler geňeşiniň Ýerine ýetiriji direktory Erik Stýuardy kabul etdi.

Duşuşykda taraplar söwda we ykdysady gatnaşyklaryň ösüşiniň geljegine aýratyn üns berip, hyzmatdaşlygyň giň toplumynyň meselelerini ara alyp maslahatlaşdylar. Ýurdumyzda möhüm taslamalary durmuşa geçirmekde iri amerikan kompaniýalary bilen konstruktiw hyzmatdaşlyk ýola goýuldy.

Americanurdumyzda möhüm taslamalary durmuşa geçirmek üçin iri amerikan kompaniýalary bilen konstruktiw gatnaşyklar ýola goýuldy. Bu meselede “Türkmenistan — ABŞ” işewürler geňeşine aýratyn orun degişlidir.

Myhman Türkmenistanda işlemäge amatly şertleri döretmek üçin görülýän çärelere ýokary baha berdi we amerikan işewürliginiň biziň ýurdumyz bilen hyzmatdaşlygy giňeltmäge gyzyklanma bildirdi.

Gurbanguly Berdimuhamedow hem öz gezeginde Türkmenistanyň halkara hyzmatdaşlygyna açykdygyny we ABŞ bilen dürli ugurlarda hyzmatdaşlygy işjeňleşdirmäge taýýardygyny nygtady.

Daşky gurşaw meselelerine aýratyn üns berildi. Türkmen halkynyň Milli Lideri, Türkmenistanyň ekologiýa howpsuzlygyna uly ähmiýet berýändigini we bu ugurdaky halkara guramalary bilen işjeň hyzmatdaşlyk edýändigini belledi.

BMG-niň Baş Assambleýasy tarapyndan 2024-nji ýylda Türkmenistanyň teklipleri boýunça “2025-nji ýyl — Halkara parahatçylyk we ynanyşmak ýyly”; “Merkezi Aziýa — parahatçylyk, ynanyşmak we hyzmatdaşlyk zolagy”; “Birleşen Milletler Guramasynyň oýunlary”; “Merkezi Aziýada ýadro ýaragyndan azat zolak hakyndaky Şertnama” atly Kararnamalaryň kabul edilmegi ýurdumyzyň halkara giňişlikdäki tagallalaryna berilýän ýokary bahanyň aýdyň güwäsidir. Türkmenistanyň Halk Maslahatynyň Başlygy, Amerikanyň Birleşen Ştatlaryna beren goldawlary üçin minnetdarlyk bildirdi diýip, Türkmenistanyň Döwlet teleradio ýaýlymynyň habarlar gepleşiginde habar berildi.

ORIENT

Foto: orient.tm