Biz ýakynlaşmagy ugur edinýäris

Türkmenistandaky ABŞ-nyň ilçihanasy söhbetdeşliksiz wiza täzelemek hyzmatyny girizýändigi barada habar berdi. Mundan beýläk, Türkmenistanyň raýatlary belli şertlere laýyk gelýän bolsalar, uzak wagtlap garaşman we ilçihana barman, ABŞ-e barmak üçin wizalaryny täzeläp bilerler.

Täze hyzmatdan kim peýdalanyp biler?

Söhbetdeşliksiz wiza täzelemek hyzmaty aşakdakylar üçin elýeterlidir:

Eger-de möhleti entegem hereket edýän bolsa ýa-da 48 aýdan az wagt bäri möhleti gutaran bolsa, ozal berilen wiza görnüşi boýunça wizasyny täzeleýän Türkmenistanyň ýaşaýjylary.

Söhbetdeşliksiz wiza täzelemek hyzmatyndan nädip peýdalanmaly?

Söhbetdeşliksiz wiza täzelemek hyzmatyndan peýdalanmak üçin aşakdaky işleri ýerine ýetirmeli:

Pasportyň hereket ediş möhletini barlamaly – onuň, iň azyndan, 6 aý hereket ediş güýji bolmaly.

CEAC saýtynda DS-160 onlaýn-görnüşini doldurmaly.

ConsularAshgab@state.gov elektron salgysyna aşakdaky resminamalary ugratmaly:

DS-160 tassyklaýyş sahypasy;

Ozalky ABŞ wizasynyň nusgasy;

Häzirki pasportyň nusgasy.

Esasy arza beriji bolmadyk arza berijiler üçin pasporty tabşyrjak we wiza töleglerini amala aşyrjak şahsyň adyny hokmany ýagdaýda görkezmeli.

Barlagdan soň ilçihana arza berijä kabul ediş senesini ugradar.

Möhüm: elektron salgy boýunça tassyklamany alman, ilçihana barmaly däl.

Aýratyn ýagdaýlar we möhüm pursatlar:

Eger-de soňky wizaňyz Türkmenistanyň çäginden daşary berlen bolsa, ýa-da wiza boýunça soňky ýüz tutmaňyz kabul edilmedik bolsa, bu hyzmatdan peýdalanyp bilmersiňiz.

Şeýle-de, Summer Work and Travel maksatnamasyna gatnaşyjylar ýa-da “clearance received” annotasiýasy bolan wiza eýeleri bu hyzmatdan peýdalanyp bilmez. F, M ýa-da J wizalary boýunça öz okuw maksatnamasyny ýa-da okuw mekdebini üýtgeden arza berijiler üçin söhbetdeşlik hökmany bolup galýar.

Wiza almak işi ep-esli derejede aňsatlaşýar: arza berijiler ähli zerur bolan resminamalary elektron salgy boýunça ugradyp, tölegleri amala aşyryp, pasporty ilçihanada goýup bilýärler. Wizaly pasporty öňdäki hepdäniň dowamynda alyp bolýar.

Bu täzeçilik bellenen ölçeglere laýyk gelýän Türkmenistanyň raýatlary üçin ABŞ barmak üçin wiza almak işini has amatly we tizleşdirilen görnüşe getirýär.

Söhbetdeşliksiz wiza täzelemek işi barada goşmaça maglumat üçin ABŞ-nyň ilçihanasynyň resmi saýtyna ýa-da elektron salgysyna ýüz tutup bilersiňiz. Maglumat üçin: email - ConsularAshgab@state.gov

Foto: www.aviasales.ru