Biz ýakynlaşmagy ugur edinýäris

Nokia brendi bilen enjamlaryñ işläp taýýarlanmagy we satuwy bilen meşgullanýan HMD Global fin kompaniýasy Skyline smartfonlarynyñ Blue Topaz täze reñk görnüşi bilen görnüş hili giñeltdi.

Enjam "Barselona" futbol kluby bilen hyzmatdaşlykda çykaryldy.

Blue Topaz görnüşi diñe 12 Gb operatiw ýady we 256 Gb fleş-ýady bilen çykarylýar.

Skyline yzky kameranyñ üç görnüşli ulgamy, şol sanda şekiliñ gibrid optiki durnuklaşdyrmaly 108 megapiksellik esasy hasaplaýyş ulgamy, 8 piksellik ýokary giñburçly modul we 50 mm portret suratlary üçin teleobýektiwli 50 megapiksellik hasaplaýyş ulgamy bilen enjamlaşdyrylan. 50 megapiksellik frontal kamerasy awtofokus we göz yzarlama ulgamyny işledip bilýär, oturdylan el hereketleriñ ulgamy bolsa ulanyjylara eliñ kömegini ulanman, surata düşürmek mümkinçiligini berýär.

Smartfona Snapdragon 7s Gen 2 çipi berilip, ol Android 14 operasion ulgamda işläp, onuñ operatiw ulgamynyñ iki gezek täzelenmegi mümkin. Enjam 4600 ma/s sygymly akkumulýator bilen enjamlaşdyrylan. Ol 33 Wt simli we 15 Wt simsiz kuwwat bermäge ukyplydyr.

HMD Skyline 144 Gs täzeleniş ýygylygy bilen 6,5 duýmlik FHD+ pOLED displeýine eýedir. Displeý Gorilla Glass 3 aýnasy bilen goralan. Smartfon güýç düwmesine oturdylan barmak yzlarynyñ gapdal skanerine hem-de goşundylary işletmek ýa-da sanly kömekçini işletmek ýaly şahsy wezipeler üçin düzülýän düwmesine eýe boldy.

Satyn almak bilen müşderiler goşmaça artykmaçlyk hökmünde "Barselona" futbol klubynyñ resmi şarfyny hem alyp bilerler.

ORIENT news

Foto: ixbt.com