Biz ýakynlaşmagy ugur edinýäris

Türkmenistanda gurluşyk we senagat pudayna bagyşlanan maslahatyň üçünji sessiýasynda esasy çykyş edenler ýokary hilli gurluşyk materiallaryny öndürmek we täze infrastruktura taslamalaryny maliýeleşdirmek bilen baglanyşykly möhüm meseleleri ara alyp maslahatlaşdylar.

Täsirli “S&P Global Commodity Insights” amerikanyň maglumat we seljeriş agentliginiň baş redaktory Jeffri MakDonalds tarapyndan moderatorlyk eden sessiýasy häzirki ählumumy ugurlary, şeýle hem dünýä ykdysadyýetinde hyzmatdaşlygyň geljegini düýpli seljermäge goşant goşdy.

Sessiýanyň dowamynda Türkmenistanyň Senagat we gurluşyk önümçiligi ministri Toýguly Nurow hökümetiň maýa goýumçylary üçin özüne çekiji şertleri döredýän gurluşyk pudagyny ösdürmäge gönükdirilen taslamalary işjeň goldaýandygyny aýtdy.

Maliýe we ykdysadyýet ministriniň orunbasary Mämmetguly Astangulow täze infrastruktura taslamalaryny maliýeleşdirmek çäreleri barada çykyş etdi. Durnukly ykdysady syýasat we halkara maliýe guramalary bilen hyzmatdaşlygyň netijesinde Türkmenistanyň maýa goýum mümkinçiligi ep-esli ýokarlanandygyna ünsi çekdi.

Türkmenistanyň Döwlet daşary ykdysady iş bankynyň müdiriýetiniň başlygy Rahymberdi Jepbarow hem öz gezeginde iri taslamalary maliýeleşdirmegiň mümkinçiliklerine ünsi çekdi we daşary ýurt maýadarlary üçin amatly şertleri teklip etdi, onuň pikirlere görä bu hyzmatdaşlyk üçin täze gözýetimler açar.

Aziýanyň Ösüş Bankynyň Türkmenistandaky hemişelik wekilhananyň ýolbaşçysy Artur Andrysýak durnukly ösüş we senagatda innowasiýa tehnologiýalaryny ornaşdyrmak ugrundaky hyzmatdaşlyk tejribesi bilen paýlaşdy. Ol amallary sanlaşdyrylmagynyň döwlet we hususy pudaklaryň arasyndaky gatnaşygy ep-esli aňsatlaşdyryp biljekdigini belledi.

“Sumitomo Corporation Central Eurasia LLC” kompaniýasynyň baş dolandyryjysy Sergeý Lobanow ýapon tehnologiýalarynyň gurluşykda we senagatdaky orny, şeýle hem Türkmenistanda bilelikdäki kärhanalary döretmek mümkinçiligi barada çykyş etdi.

“Polat Turba” hojalyk jemgyýetiniň müdiri Nurmuhammet Annamuhammedow we “Döwletli Döwran” HJ müdiri Gadam Hoşwagtow ýerli gurluşyk önümlerini öndürijileriň ýokary hilli ülňülerine we önümçiliginde innowasiýa çemeleşmelerine ünsi jemlediler.

Şeýle hem “China Energy International Group, MFL Faserzementanlagen Ges.m.b.H” we beýleki kompaniýalaryň wekilleri çykyş etdiler. Olar täze tehnologiýalary ornaşdyrmak we önümçiligiň netijeliligini ýokarlandyrmak üçin halkara hyzmatdaşlygynyň möhümdigini bellediler.

Şu gün şeýle-de hünärmenler ýol gurluşygy, hukuk we maliýe ugurlarynda DHH-y durmuşa geçirmegiň üstünlikli tejribesi, hyzmatdaşlygyň ugurlary, şeýle hem sanlylaşdyrmagyň bu başlangyçlaryň ösüşine täsiri ýaly köp sanly mowzugy öz içine alýan ulag infrastrukturasynyň gurluşygynda we ösüşinde döwlet-hususy hyzmatdaşlygyň (DHH) ornuna bagyşlanan sessiýa geçirildi. Gurluşykda ynançly dolandyrmak meselesi, ýeňillikler we innowasiýa çemeleşmelerine möhüm üns berildi.

Sessiýanyň dowamynda esasy çykyş edenler: Awtomobil ýollarynyň gurluşygyny dolandyrmak baradaky döwlet agentliginiň başlygy Hangeldi Kerimow, Ýewropanyň Täzeleýiş we Ösüş Bankynyň Türkmenistandaky wekilhananyň ýolbaşçysy Erik Liwni, “StiM” kompaniýalar toparynyň baş direktorynyň orunbasary Sergeý Talataý, infrastruktura taslamalaryny maliýeleşdirmek ugrundaky tejribelerini paýlaşdy, durmuşa geçirmegiň netijeliligini we hilini ýokarlandyrmak üçin häzirki zaman çözgütleri ulanmagyň möhümdigini nygtadylar.

Umuman aýdanyňda, hemmeler DHH-y gurluşyk pudagyna maýa goýumlaryny çekmek we durnukly ulag infrastrukturasyny döretmek üçin güýçli gural hökmünde ähmiýetini bellediler, bu bolsa öz gezeginde Türkmenistanyň ykdysady ösüşine goşant goşýar.

ORIENT news

Foto: orient.tm