Biz ýakynlaşmagy ugur edinýäris

"Uzakmöhletleýin hyzmatdaşlygyñ täze gün tertibi" atly GDA gatnaşyjy ýurtlaryñ seljeriş metkezleriniñ halkara maslahaty Daşkentde 26-njy sentýabrda geçirildi. Maslahat Dünýä ykdysadyýeti we diplomatiýasy uniwesitetinde bilermenleri ýygnady.

Guramaçylar hökmünde GDA-nyñ Ýerine ýetiriji komiteti bilen bilelikde Daşary işler ministrligi, Daşky syýasy barlaglar we halkara başlangyçlar merkezi, Özbegistan Respublikasynyñ Daşary işler ministrliginiñ ýanyndaky Dünýä ykdysadyýeti we diplomatiýasy uniwersiteti çykyş etdiler. Daşkente maslahata gatnaşmak üçin Arkalaşygyñ ähli ýerlerinden alymlar we döwlet işgärleri, syýasatçylar we ykdysadtçylar geldiler. Türkmenistana Daşary işler ministrliginiñ Halkara gatnaşyklar institutynyñ Strategik barlaglar merkezi wekilçilik etdi.

Maslahatyñ maksady Arkalaşygyñ döwletleriniñ giñişliginde bolup geçýän wakalary düýpli seljermekden, geljegi we amala aşyrylmadyk mümkinçilikleri öwrenmekden hem-de durnukly ösüşe mümkin bolan wehimlerine bilelikde baha bermekden ybaratdyr.

GDA-nyñ Baş sekretary Sergeý Lebedew halkara maslahata gatnaşyjylaryna öz wideo ýüzlenmesinde şeýle diýdi: "Häzirki zaman halkara ýagdaýy Arkalaşygyñ ýurtlaryny tutanýerli çärelerini gözlemegine oýarýar. Biziñ maksadymyz - ýurtlarymyzy gorap saklamak we ösdürmek bilen gejekki nesillere dostlukly we hoşniýetli goñşuçylykly giñişligini miras goýup gitmekdir".

Maslahatyñ çäginde Arkalaşygyñ ýurtlarynyñ tanymal bilermenleri söwda-ykdysady, ynsanperwer, durmuş, ylmy-tehniki, ekologiýa we beýleki ugurlar boýunça bilelikdäki hyzmatdaşlygyñ häzirki ýagdaýy we olary ösdürmek mümkinçilikleri barada öz pikirlerini beýan etdiler.

Işiñ dowamynda täze şertleri hasaba almak bilen GDA-nyñ çäklerinde hyzmatdaşlygyñ giñişleýin gün tertibiniñ meseleler toplumy ara alnyp maslahatlaşyldy: ykdysady hyzmatdaşlygy ösdürmek mümkinçilikleri we "ýaşyl" ykdysadyýete geçiş, şol sanda senagat söwdasy, söwda, ulag, energetika we azyk howpsuzlygy, şeýle-de GDA formatynyñ däp bolşy ýaly iñ güýçli bölegi bolan medeni-ynsanperwer ugry.

Arkalaşygyñ çäginde ykdysady hyzmatdaşlygy ösdürmek üçin täze çemeleşmeleriniñ işlenilip düzlülmegine, ylmy-tehniki we innowasion hyzmatdaşlygyñ ösdürilmegine, kripto senagaty ösdürmek, döwletara standartlaşdyrmanyñ netijeli ulgamyny döretmek, üstaşyr elektron söwdasyny ösdürmek, ekologiýa meseleleri, emeli añ tehnologiýalaryny ahlak taýdan ulanmak we maglumatlaýyn täsir etmek ýaly möhüm ugurlar boýunça işleriñ güýçli depginde alnyp barylmagyna ähmiýet berildi.

Halkara maslahatyñ netijeleri boýunça döwletara gatnaşyklaryny mundan beýläk-de ösdürmek boýunça Arkalaşygyñ uzakmöhletleýin gün tertibi üçin esaslaýyn teklipler işlenilip taýýarlanyldy.

ORIENT news

Foto: uwed.uz