Biz ýakynlaşmagy ugur edinýäris

Bütindünýä durnukly ulag gününe bagyşlanyp, 26-27-nji noýabrda Aşgabatda “Halkara ulag-üstaşyr geçelgeleri: özara arabaglanyşyk we ösüş — 2024” atly maslahat geçirilýär. Plenar mejlisde esasy çykyşlaryň biri Halkara awtomobil ulaglary bileleşiginiň (IRU) Baş sekretary Umberto de Prettonyň çykyşy boldy, ol çykyşynda durnukly we netijeli ulag ulgamynyň ösdürilmegi meselesine üstünde durdy we onda Türkmenistanyň ornuny belläp geçdi.

Durnukly ösüşe ýetmekde ulaglaryň orny

“IRU”-nyň Baş sekretary ulaglaryň adamlary birleşdirýändigini, işewürligi goldaýandygyny we ählumumy söwdany ýeňilleşdirýändigini hem-de ulaglaryň durmuş we ykdysady durnuklylyk üçin möhümdigini belledi. Bütin dünýäde 3,5 milliondan gowrak kompaniýany birleşdirýän “IRU” 1949-njy ýyldan bäri gümrük we üstaşyr amallaryny ýönekeýleşdiren “TIR” ulgamy ýaly halkara standartlaryny işjeň ösdürýär.

Türkmenistan: netijeli hyzmatdaşlygyň mysaly

Çykyşyň esasy pursatlarynyň biri Türkmenistanyň awtomobil ulaglarynda daşamalary hünär taýdan ýokarlandyrmak ugrundaky tagallalaryna baha bermek boldy. “IRU”-yň Baş sekretary, ýurduň halkara giňişlikde bäsdeşlige ukyplylygyny güýçlendirýän Türkmenistanda halkara awtomobil daşamalary üçin okuw merkeziniň akkreditasiýasynyň üstünlikli tamamlanandygyny belledi. Bu üstünlikler Türkmenistany ulag ulgamy döwrebaplaşdyrmak pudagyndaky beýleki ýurtlar üçin görelde bolýar.

“Men bu üstünlik türkmen ulag operatorlaryna halkara bazarlara çykmagyny üpjün eder we pudagyň kämillik nusgasyna öwrülmegine kömek etjekdigine ynanýaryn. Merkezi we Türkmenistandaky hyzmatdaşlarymyzy bu üstünlik bilen gutlaýaryn – “IRU” akademiýasynyň akkreditasiýa şahadatnamalarynyň indi berilip bilinjekdigini mälim etýändigime begenýärin” – diýip Umberto de Pretto aýtdy.

Mundan başga-da, Türkmenistan serhet infrastrukturasynda on sany esasy serhet geçelgesinde “TIR” ulgamyny ulanýan ýük awtoulaglary üçin aýratyn ileri tutulýan ugurlary döretmek arkaly düýpli özgerişlikleri amala aşyrdy. “IRU”-nyň ýolbaşçysynyň pikiriçe, bu serhetden geçiş wagtyny we CO2 zyňyndylaryny ep-esli azaldyp biler.

Çagyryşlar we olaryň çözüliş ýollary

Ulag pudagynyň esasy çagyryşlaryň arasynda üç ugur kesgitlenildi:

1. Professional sürüjiniň ýetmezçiligi: “IRU” 2028-nji ýyla çenli dünýäde sürüjiniň ýetmezçiliginiň iki esse artjakdygyny çaklaýar. Türkmenistan bu ýerde sazlaşykly kär standartlaryny durmuşa geçirýän ýurt hökmünde tapawutlanýar.

2. Ulagyň dekarbonizasiýasy: “IRU” ulag amallarynyň netijeliligini ýokarlandyrmagyň we alternatiw ýangyçlaryň görnüşine geçmegiň möhümdigini aýtdy.

3. Sanlylaşdyrma: “eTIR” we “e-CMR”-iň ornaşdyrylmagy, işleri çaltlaşdyrmaga we halkara söwdasynyň aç-açanlygyny ýokarlandyrmaga mümkinçilik berýär. Baş sekretar sanly standartlary çalt durmuşa geçirmäge çagyrdy.

Bütindünýä durnukly ulag güni: Türkmenistanyň ornuny ykrar etmek

Türkmenistanyň başlangyjy bilen döredilen Bütindünýä durnukly ulag günine aýratyn üns berildi. “IRU”-nyň Baş sekretary bu pikiri BMG-de öňe sürendigi üçin hökümete minnetdarlyk bildirdi: “Bu gün, durnukly ulagyň has ýaşyl we abadan geljegiň esasydygyny ýatladýar.”

Hyzmatdaşlygyň geljegi

“IRU”-nyň Baş sekretary, ählumumy durnukly ösüş maksatlaryna ýetmäge gönükdirilen BMG-nyň Durnukly ulagyň onýyllygy başlangyjynyň çäginde Türkmenistan bilen işjeň hyzmatdaşlygy dowam etdirmäge taýýardygyny aýtdy.

Aşgabatda geçirilen maslahat ulagyň durnuklylygy boýunça halkara gepleşikleri güýçlendirmekde möhüm tapgyr boldy we Türkmenistan sebitara baglanyşygy üpjün etmekde esasy ornuny tassyklady.

ORIENT

Foto: orient.tm