Hytay alymlary Aşgabada geldiler

25.11.2024 | 18:00 |

Şu gün, 25-nji noýabrda “Innowasiýalar, täze tehnologiýalar we olary önümçilige ornaşdyrmagyň meseleleri” atly III Türkmen-Hytaý ylmy-innowasion forumyna gatnaşmak üçin Aşgabada hytaý alymlary geldiler. Forum 26-27-nji noýabr aralygynda Türkmenistanyň Ylymlar akademiýasynyň Halkara ylmy-tehnologiýa parkynda geçiriler.

Şu günki gün gatnaşyjylar üçin Türkmenistanyň medeni mirasy we ylmy gazananlary bilen tanyşmagyna bagyşlanyldy. Irden wekiliýet Türkmenistanyň Ylymlar akademiýasynyň Himiýa institutyna baryp, ol ýerde alymlar himiýa tehnologiýalary boýunça geçirilýän barlaglar bilen tanyşdylar. Soňra myhmanlar Türkmenistanyň Döwlet medeniýet merkeziniň Döwlet muzeýine hem-de Türkmen halysynyň milli muzeýine bardylar. Bu gezeleneç hytaý alymlaryna ýurdumyzyň taryhy we medeniýeti bilen ýakyndan tanyş bolmaga mümkinçilik berdi.

Öýländen soň gatnaşyjylar forumyň esasy geçirilýän meýdançasy boljak Halkara ylmy-tehnologiýa parkyna hem-de Magtymguly Pyragy adyndaky medeni-seýilgäh toplumyna baryp görüp, ol ýerde hytaý edebiýatynyň “altyn asyrynyň” meşhur şahyry Du Fu ýadygräligi hem ýerleşdirilen.

Forumyň esasy çäreleri 26-njy noýabrda başlar. Maksatnamada – innowasion tehnologiýalaryň sergisiniň açylyşy hem-de umumy mejlis. 27-nji noýabrda bolsa ikitaraplaýyn duşuşyklar, tegelek stollar meýilleşdirilen. Forum ykdysadyýetiň dürli pudaklarynda öňdebaryjy innowasion çözgütleri durmuşa geçirmek hem-de milli innowasiýa ulgamyny ösdürmek ýaly amaly meseleleri barada maslahatlaşmaga gönükdirilen.

Hususan-da, gatnaşyjylar Türkmenistan bilen Hytaýyň arasyndaky nano- we himiýa tehnologiýalary, täze materiallaryň we energiýanyň barlaglary, biotehnologiýalar we molekulýar biologiýa, oba hojalygy, ekologiýa we genetika, maglumat-kommunikasiýa ulagmalary, kompýuter tehnologiýalary, häzirki zaman lukmançylygy we farmasewtika önümçiligiň tehnologiýalary, innowasion ykdysadyýet we ynsanperwer ylymar ýaly ugurlar boýunça hyzmatdaşlygyň täze ugurlary barada maslahatlaşarlar.