Biz ýakynlaşmagy ugur edinýäris

Türkmenistanyň Bilim ministrliginiň hem-de Saglygy goraýyş we derman senagaty ministrliginiň wekilleriniň düzümindäki türkmen wekiliýeti Kataryň Doha şäherinde geçirilýän “Kids Expo 2024” halkara sergisine gatnaşdy.

Wekiliýetiň agzalary täze doglan we 13 ýaşa çenli çagalary goldamaga gönükdirilen bilim, saglygy goraýyş, medeiýet we dynç alyş pudaklaryndaky iň täze gazananlary bilen tanyşdylar. Çagalaryň dynç alşyny guramaga gönükdirilen bilim tehnologiýalary we lukmançylyk hyzmatlary, innowasion çözgütler bilen baglanyşykly bölümlere aýratyn ähmiýet berildi.

Şeýle-de, wekiliýet “A+Programm” maksatnamasynyň çäklerinde görkezilen okatmagyň innowasion usullary bilen tanyş boldy. Bu maksatnama öňdebaryjy bilim tehnologiýalaryň ornaşdyrylmagyna, şol sanda wirtual hakykat, emeli aň tehnologiýalaryň hem-de garyşyk okatmak usullaryň ulanylmagyna gönükdirilen, bu bolsa okuw prosessiniň hilini ýokarlandyrmaga we çagalarda tankydy pikirlenmek ukybynyň ösdürilmegine ýardam berýär.

Türkmen hünärmenleri serginiň guramaçylary hem-de halkara kmpaniýalaryň wekilleri bilen öndürijilikli duşuşyklary geçirip, olaryň dowamynda hyzmatdaşlyk mümkinçilikleri barada maslahatlaşdylar.

Duşuşygyň çäklerinde türkmen tarapy şu ýyl Türkmenistanda “Kids Expo 2024” sergisiniň üstünlikli geçirilendigi barada habar berdiler. Bu, öz gezeginde, ýaş ösüp gelýän nesliň biliminiň, saglygy goraýyş ulgamynyň ösdürilmeginde döwlet tarapyndan edilýän aladanyň ýokary derejesi barada subut edýär.

Türkmen wekiliýetiniň gatnaşmagy Kataryň“Al Sharq” Al Sharq meşhur gündelik gazetinde şöhlelendirilendigi bellärlikdir, sebäbi bu neşiriň “Media-Türkmen” habarlar agentliginiň “ORIENT” saýty bilen täzelik habarlaryny alyşmak baradaky Ähtnamasy hereket edýär.

ORIENT news

Foto: education.gov.tm