Bitkoiniň hümmeti taryhyndaky iň ýokary görkezijisini täzeledi

20.11.2024 | 10:33 |

Sişenbe güni bitkoiniň hümmeti täze iň ýokary görkezijisine ýetip, 93 500 amerikan dollaryndan ýokary galdy.

Şeýlelikde, söwdalaşyklaryň möçberi boýunça iri kriptowalýuta biržasy bolan Binance-da bitkoin 2,82 % gymmatlap, bir gije-gündizde – 93 610,7 amerikan dollara ýetdi. Birnäçe minut ondan ozal bu görkeziji 93 699,26 amerikan dollara ýetdi.

CoinMarketCap portalynyň berýän maglumatlaryna görä, bitkoiniň hümmeti 2,84 % artyp, ortaça – 93 739,45 amerikan dollara çenli ýokarlandy.

Geçenki iň ýokary görkeziji 13-nji noýabrda bellenildi. Şol wagt täze iň ýokary görkeziji geçenki görkezijididen, takmynan, 23 % çalt depginde ýokarlanmagynyň netijesinde bolup geçdi.

Derňewçileriň çaklamalaryna görä, indiki görkeziji 100 müň amerikan dollara barabar bolup biler.

Financial Times gündelik britan işewür gazeti Trump Media & Technology Group Corp media we tehnologiýa kompaniýasynyň Bakkt kriptowalýuta platformasynyň satyn alynmagy barada gepleşikleri geçirýändigini habar berdi.

ORIENT news