Biz ýakynlaşmagy ugur edinýäris

Türkmenistandaky Hindistanyň ilçihanasy 2024-2025-nji ýyllar üçin Bharat Ko Janiye (BKJ) 5-nji onlaýn-bäsleşigine gatnaşmaga çagyrýar.

Bu Hindistana mugt syýahat mümkinçiligini utmaga ajaýyp pursatdyr!

Bäsleşige 14-50 ýaş aralygyndaky Hindistanda ýaşamaýan hindiler; hindi gelip-çykyşly adamlar we daşary ýurt raýatlary gatnaşyp biler.

Gatnaşyjylar 30 soraga jogap bermelidir. Her soraga 30 sekund, her wideo we ses ýumuşlaryna 40 sekund wagt berilýär. Jogaplara sarp edilen wagtyň hasaba alynjakdygyny hem bellemeli. Synanyşyk sany çäklendirilmedik. Şeýle-de gatnaşyjylar üç soraga çenli çalyşmak mümkinçiligini sorap bilerler.

Gatnaşmak üçin 2024-nji ýylyň 11-nji dekabryna çenli şu salgy boýunça bellige alynmaly.

Her topar boýunça 30 sany iň gowy gatnaşyjylar (her toparda 15 adama çenli - Hindistanda ýaşamaýan hindiler; hindi gelip-çykyşly adamlar we daşary ýurt raýatlary) 2025-nji ýylda Prawasi Bharatiýa Diwas (PBD) baýramçylygynyň bellenilmeginden başlajak Hindistana 2 hepdelik syýahata çagyrylar.

Ýeňijiler gazanan utuklaryna laýyklykda saýlanar.

Bharat Ko Janiye onlaýn-bäsleşigi Hindistanyň Daşary işler ministrliginiň öňdebaryjy başlangyjy bolup, gatnaşyjylary Hindistan, onuň taryhy we medeniýeti bilen tanyşdyrýar. Bu başlangyç 2015-nji ýylda premýer-ministr Narendra Modi tarapyndan girizildi.

ORIENT news

Foto: Hindistanyň Türkmenistandaky ilçihanasy tarapyndan hödürlenildi