Türkmenistan “Hytaý-Ýewraziýa EKSPO” sergisinde milli brendleri tanyşdyrýar
28.06.2024 | 01:38 |Türkmenistanyň Söwda-senagat edarasynyň wekilleri 26-30-njy iýunda Urumçi şäherinde geçýän “Hytaý-Ýewraziýa EKSPO” halkara sergisine gatnaşýar.
Türkmenistanyň milli pawilony daşary ýurtly işewürleri ýurdumyzyň içerki bazaryň ösüşi we söwda-ykdysady mümkinçilikleri bilen tanyşdyrýar.
Serginiň çäklerinde söwda we maýa goýum forumlary, tejribe alyşmak boýunça duşuşyklar we beýleki işewürlik hem-de medeni çäreler geçirilýär. Dünýäniň 50-den gowrak ýurdundan iri kompaniýanyň gatnaşmagynda geçýän bu sergi Ýewraziýa giňişliginde milli brandleri ilerletmek, Beýik Ýüpek ýolunyň ugrunda ýerleşýän ýurtlaryň arasynda ykdysady, söwda we maýa goýum hyzmatdaşlygyny giňeltmek üçin oňat meýdança bolup durýar.
ORIENT news