Biz ýakynlaşmagy ugur edinýäris

Türkmenistanyň Bilim ministrliginde edaranyň wekilleriniň Russiýanyň Ylym we ýokary bilim ministriniň orunbasary Konstantin Mogilewskiý bilen duşuşygy geçirildi. Gepleşikler rus wekiliýetiniň Ykdysady hyzmatdaşlyk boýunça türkmen-rus hökümetara toparynyň mejslisine gatnaşmagynyň resmi saparynyň çäklerinde geçirildi.

Bilelikdäki uniwersitetiň döredilmegi baradaky maslahatlaşmalar esasy meseleleriň biri boldy. Bu barada Türkmenistanyň Bilim ministrliginiň saýtynda habar berilýär.

Türkmen-rus uniwersitetini açmak baradaky başlangyç bilim ulgamyndaky gatnaşyklarynyň pugtalandyrylmagyna hem-de iki ýurduň talyplary üçin täze mümkinçilikleriň döredilmegine gönükdirilendir. Bu ýokary okuw mekdebi halkara standartlara laýyklykda hünärmenleri taýýarlap, ylmyň we tehnikanyň ileri tutulýan ugurlarynda bilim we tejribe alyşmak üçin meýdança öwrüler.

Şeýle-de taraplar hyzmatdaşlygyň beýleki ugurlaryny, şol sanda Russiýada bilim alýan türkmen talyplarynyň bilim hilini gowulandyrmak meseleleri ara alyp maslahatlaşdylar. Duşuşygyň çäklerinde rus tarapy bilim prosesslerine bilelikdäki gözegçilik etmek gurallarynyň ähmiýeti hem-de bilim almagyň we attestasiýanyň ýokary standartlaryny üpjün etmekde Russiýanyň bilim gözegçiligi we Russiýanyň akkreditirlemek agentligi bilen hyzmatdaşlygy barada aýratyn nygtap geçdi.

Mundan başga-da, türkmen tarapy rus talyplaryny 20-24-nji noýabr aralygynda Magtymguly adyndaky Türkmen Döwlet uniwersitetiniň binýadynda geçiriljek halkara ders olimpiadalaryna gatnaşmaga çagyrdy. Bu çäreler talyplara medeni hyzmatdaşlyk we bilim alyşmak üçin özboluşly mümkinçilikleri döreder.

Duşuşygyň ahyrynda iki ýurduň wekilleri bilim ulgamyndaky uzakmöhetleýin hyzmatdaşlygy pugtalandyrmaga hem-de bilim ulgamy boýunça ikitaraplaýyn gatnaşyklaryň ösüşinde möhüm ädim boljak täze uniwersitetiň taslamasy ýaly bilelikdäki başlangyçlary ösdürmäge taýýardyklaryny beýan etdiler.

ORIENT news

Foto: Фото: education.gov.tm