Hytaýda elektromobillere we gibridlere bagyşlanan ilkinji muzeý açyldy

28.10.2024 | 14:43 |

Hytaýyň awtomobil öndürijisi BYD “Di Space” (New Energy Science Museum) atly elektomobillere we gibridlere bagyşlanan ilkinji muzeýini açdy. Bu Hyýatdaky energiýanyň täze çeşmelerinde (NEV) işleýän awtomobilleriň ilkinji muzeýidir.

Ol Henan welaýatynyň Çžençžou merkezi söwda zolagynda ýerleşýär. 15 müň m2 golaý meýdan tutup, “Di Space” muzeýi dört gatdan ybarat. Sergi dört esasy bölüme bölünen: “Brendiň medeniýeti”; “Ussatlyk we intellektual önümçilik”; “Innowasion tehnologiýalar”; “Tehnologiýalaryň barlagy”. Muzeýde 300-den gowrak eksponat ýerleşdirilen.

Her gat aýratyn bölümi öz içine alýar. Birinji gatda energiýanyň täze çeşmeleriniň hytaý senagatynyň ösüşi öwrenilýär. Ikinji gatda awtomobil önümçiliginiň esasynda ýatan ulag serişdeleriniň we inženeriýasynyň dörediliş prosesi beýan edilýär. Üçünji gatda Blade Buttery we bäşinji nesil DM tehnologiýalary ýaly BYD tehnologiýalary öwrenilýär. Dördünji gat talyplara amaly sapaklary geçmäge mümkinçilik berýän interaktiw giňişlik hökmünde guralan.

“Di Space” 8500 m2 barabar bolan açyk meýdançany we BYD tanyşdyryşlaryň, wagtlaýyn sergileriň we goşmaça oflaýn-çäreleriň geçirilmegi üçin niýetlenen 360 m2 barabar bolan ýapyk meýdançany hem öz içine alýar.

ORIENT news