BMG-niň Ženewadaky edarasy Türkmenistanyň raýatsyzlygy ýok etmek ugrundaky tagallalaryna ýokary baha berdi
15.10.2024 | 16:40 |
Türkmenistanyň wekiliýeti Ženewa şäherinde geçirilen BMG-niň Bosgunlaryň işi baradaky Ýokary Komissarynyň Maksatnamasynyň Ýerine ýetiriji komitetiniň 75-nji sessiýasyna gatnaşdy. 14-nji oktýabrda sessiýanyň açylyşynda BMG-niň Bosgunlaryň işi baradaky Ýokary Komissary Filippo Grandi öz çykyşynda Türkmenistanyň ýolbaşçylygynyň raýatsyzlygy ýok etmek ugrundaky tagallalaryna ýokary baha berdi.
Türkmenistanyň BMG-niň Ženewadaky edarasynyň ýanyndaky Hemişelik wekili Wepa Hajiýew birinji bölümçede çykyş etdi. Çykyşynda türkmen halkynyň Milli Lideri, Türkmenistanyň Halk Maslahatynyň Başlygynyň we Türkmenistanyň Prezidentiniň başlangyçlary esasynda 2024-nji ýylyň 24-nji sentýabrynda ýurdumyzda raýatsyzlygy ýok etmek boýunça maksatnamanyň tamamlanandygy bellenildi. Bu syýasy erkiň we BMG bilen hyzmatdaşlygyň netijesinde mümkin boldy.
Türkmenistanyň Döwlet migrasiýa gullugynyň başlygy Amanmuhammet Sazakow ýokary derejeli bölümçäniň çäginde çykyş etmek bilen jemi 32 müňden gowrak adama Türkmenistanyň raýatlygynyň we 5 müňden gowrak adama ýaşamak üçin ygtyýarnamanyň berlendigini nygtady.
Bu bolsa adam hukuklaryny goramakda we halkara hukugyny berjaý etmekde Türkmenistanyň ygrarlylygyny görkezýär.
ORIENT news
Foto: BMG-niň Ženewadaky edarasynyň ýanyndaky Türkmenistanyň Hemişelik wekilhanasy
Şeýle hem okaň:
17.10.2024
|08:48
15.10.2024
|10:34
12.10.2024
|13:50
