Biz ýakynlaşmagy ugur edinýäris

«Apple» kompaniýasy şu ýylyň ahyryna çenli Hytaýda «Vision Pro» AR/VR enjamyny satuwa çykarar. Bu barada «Apple-iň» başlygy Tim Kuk Pekinde geçirilýän Hytaýyň ösüş forumynda aýtdy.

Bu bildiriş «Apple-iň» AR/VR enjamynyň şu ýyl anyk bir ýurtda bazara çykjakdygynyň ilkinji tassyknamasy boldy. Analitik Min-Çi Kuonyň pikiriçe, «Vision Pro-nyň» global satuwy adatça iýun aýynyň birinji hepdesinde geçirilýän «Apple-iň» ýyllyk WWDC maslahatyndan soň başlar.

Şeýle hem Tim Kuk «Apple-iň» Hytaýda gözleg we işläp taýýarlamalar üçin maýa goýumlaryny artdyrmak isleýändigini aýtdy.

Premýer-ministr Li Sýanyň we Hytaýyň resmi adamlarynyň, şeýle hem 80-den gowrak daşary ýurt kompaniýasynyň ýolbaşçylarynyň gatnaşmaklarynda geçirilen çäräniň dowamynda eden çykyşynda «Apple-iň» başlygy uglerod bitaraplygy maksadyna ýetmekde hytaý üpjün edijileriniň goşandyna ýokary baha berdi.

ORIENT news

Foto: overclockers.ru