Hindistan 2035-nji ýyla çenli özbaşdak kosmos stansiýasyny döretmegi meýilleşdirýär
07.02.2024 | 13:52 |
Hindistanyň Kosmos barlaglary guramasy (ISRO) 2035-nji ýyla çenli özbaşdak kosmos stansýasyny döretmegi meýilleşdirýär. Bu barada “Adi Sankara Trust” gaznasynyň baýraklaryny gowşurmak dabarasynda Hindistanyň Kosmos agentliginiň ýolbaşçysy Şridhara Paniker Somnath mälim etdi.
Mälim edilişi ýaly, ýurduň kosmos stansiýasynyň ilkinji moduly 2028-nji ýyla çenli taýýar ediler.
Hindistan geljek ýylyň ahyryna çenli Arş giňişligine ekipaž düzümli “Gaganýan” atly özüniň ilkinji kosmos gämisini ugratmagy meýilleşdirýär.
Şu ýylda bolsa, “Vyommitra” atly adampisint roboty kosmosa ugratmak meýilleşdirilýär. Ol “Gaganýan” Arş gämisiniň durmuş üpjünçilik ulgamynyň işini barlagdan geçirer.
Robot kosmos modulynyň işini, Arş gämisiniň 6 panelini dolandyrmaga we uçuşy dolandyryş merkeziniň soraglaryna jogap bermäge mümkinçilik berer.
ORIENT news
Foto: awtoulag.gov.tm
Şeýle hem okaň:
23.11.2024
|09:30
23.11.2024
|08:58
22.11.2024
|08:39
21.11.2024
|14:22
21.11.2024
|14:21
