Emeli intellekt "Madonna della roza" surat eseriniň awtorlyk syryny açdy

02.01.2024 | 11:58 |

ABŞ-nyň we Beýik Britaniýanyň alymlary meşhur italýan suratkeşi Rafael Santiniň eserlerini 98% takyklyk bilen kesgitleýän emeli intellekti döretdiler. Emeli intellekt ýörite algoritm esasynda çuňňur we jikme-jik derňewi ulanyp, galamy basmagyň we boýamagyň aýratynlyklaryny öwrenýär.

Şeýlelikde, awtory hemişe sorag astyna alynýan meşhur “Madonna della roza” eseriniň Rafaeliň çotgasyna degişlidigi ýa-da däldigini kesgitlemek henizem doly belli bolmady. Emeli intellektiň derňemegine görä, surat eserindäki Merýemiň, kiçijik Isanyň we keramatly Ionnanyň arkasynda keramatly Iosifiň keşbi surateşiň galamyna degişli däl.

"Çuň derňewi ulanyp, çotga basmalaryndan, reňk palitrasyndan, kölegeden we eseriň her bir ugrundan kompýuteriň stilini jikme-jik tanamagy öwretmek üçin Rafaeliň hakyky suratlarynyň şekillerini ulandyk. Kompýuter mikroskopiki derejede adam gözünden has takyk görýär " diýip, Bredford uniwersitetiniň matematigi Hasa Ugaýl belleýär.

Alymlar keramatly Iosifiň keşbiniň Rafael Santi ölenden soň, onuň şägirtleri tarapyndan goşulandygyny çaklaýarlar.

"Madonna della roza" suraty 1518-1520-nji ýyllarda çekilipdir. Mundan ozal alymlar, şol sanda sungat taryhçylary Rafaele degişli suratlaryň hemmesiniň oňa degişli däldigini güman edýärdiler. Nobatdaky derňew ençeme ýyllap sorag astynda galan ajaýyp eserleriň awtorlyk mowzugyny açýar. Ahyrsoňunda barlagçylaryň çaklamalary tassyklanylýar.

ORIENT news