Tehnologiýa dünýäsine syýahat: Aşgabatda DevFest'23 nähili geçdi

20.12.2023 | 04:05 |

Ýekşenbe güni Aşgabatda - DevFest'23 tehnologiýa konferensiýasy geçirildi. Köpler muňa garaşýardylar: programmirlemegi öwrenmek isleýänler, işläp düzüjiler we IT pudagy bilen gyzyklanýanlar. Festiwalda köp tema açyldy: kitaphanalary we goşmaçalary ulanyp kod ýazmak, internetiň gurluşy, dizaýnyň inçelikleri we oýun düzülişiniň esaslary... Ýöne hemmesi hem tertip boýunça geçirildi.

Dekabr aýynyň ýekşenbe güni irden paýtagtyň mekdepleriniň birinde işler eýýäm güýçli depginde alnyp barylýardy: meýletinçiler sahnany bezediler, bannerlerli goýdular we surat zolagyny döretdiler. Az salymdan ilkinji myhmanlar peýda boldy we zal kem-kemden doldurylýardy. Açylyş günortan başlady: Aşgabatda açylyş dabarasynda, Google düzüjiler toparynyň (Google Developer Group, GDG) gurnaýjylary Saparguly Mahtumow we Mährijemal Gylyjowa çykyş etdiler.

-Bu gün Siziň hemmäňizi üçünji ýyl geçirilýän düzüjiler Festiwalynda görüp begenýäris. Bu çäre - biziň buýsanjymyz: 2021-nji ýylda geçirilen ilkinji DevFest-e elli adama golaý gatnaşdy. “DevFest 2022”-ä bolsa, 189 höwesjeň gatnaşypdy. Şeýle-de bolsa, häzirki festiwal biziň garaşanymyzdan hem has ýokarydy - 568 gatnaşyjy resmi platformada hasaba alyndy! Diňe üç ýaşyndaky bir topar üçin munuň rekord derejedigini ynam bilen aýdyp bileris. Şeýle netijelere ýetip bilendigimize diýseň begenýäris we bularyň hemmesi üçin Size, hyjuwly işjeň agzalara, tejribeli hünärmenlere we höwes bilen täze başlaýanlara minnetdarlyk bildirýäris! Biz Siziň her biriňize “Sag boluň!” Diýesimiz gelýär! - diýip, gurnaýjylar myhmanlara ýüzlendiler.

Ondan soňra tomaşaçylary ýörite wideo ýüzlenmesini ýazga geçiren Google düzüjiler bilen gatnaşykdaky utgaşdyryjysy Askar Aýtuow garşy aldy:

- Aşgabatdaky Google düzüjiler topary çalt ösýär. Taslamanyň çäginde geçirilen çärelere IT bileleşiginiň agzalarynyň çuňňur gyzyklanmasy şaýatlyk edýär. Şu ýylyň sentýabr aýynda Halkara ynsanperwer ylymlary we ösüş uniwersitetinde (GDSC IUHD) Google döredijileriniň ilkinji talyplar klubynyň açylyşy barada bellemän geçmek mümkin däl. Bu üstünlikleriň hemmesi, türkmen düzüjileriniň höwesi we olaryň tehnologiýa pudagyndaky başarnyklaryny we bilimlerini ýokarlandyrmak isleginiň bardygy hakda habar berýär.

Ondan soň, Türkmenistanda Google düzüjileriniň ilkinji talyplar klubyny esaslandyryjy GDSC IUHD, Bägül Erejepowa çykyş edip, festiwalyň myhmanlaryna klubyň işleri we onuň uniwersitetiň talyplarynyň jemgyýetçilik durmuşyndaky ähmiýeti barada gürrüň berdi.

Onda, dürli mowzuklarda ugurdaş sessiýalar başlaýar: kod ýazmak, erkin işlemek tejribesi, maglumatlary derňemek we tankydy pikirlenmek - aýdylyşy ýaly “islendik tagam we reňk üçin” çykyşlar.

Sessiýalaryň atlaryny okaňda, olaryň diňe hünärmenler üçin niýetlenendigini pikir edip bilersiňiz: “GDE-ä ýol kartasy”, “prompt-inžiniriň sungaty”, “Keras bilen işlemek”... Esasanam tehnologiýa pudagyna täze gelenler üçin ýeterlik derejede çekindirji eşidilýär. Şeýle-de bolsa, her sessiýa başlanandan soň düşnükli boldy: düýbünden hemmeler üçin gyzyklydy.

beyan (2).jpeg

Mysal üçin, “GDE-ä ýol kartasy” atly sessiýany alalyň. Düzüjilik pudagyna täze gelen adam üçin bu workşop kod ýazmak boýunça uzak we kyn meýilnamalaşdyryş ýaly görünýär. Aslynda, bu Google-yň ilkinji türkmen programma düzüji hünärmeni, isleýän arzyly titulyna barýan ýolda toplan tejribesini paýlaşan gürrüňidi.

Bu ýagdaý “prompt-inžiniriň sungaty”-na hem degişlidir. Bu söz, elbetde, köpler üçin tanyş däldir we muny uniwersitetde öwrenilýän ýaly görünýär. Şeýle-de bolsa, iş ýüzünde bu özüne çekiji seminar bolup, spiker islenýän netijeleri gazanmak üçin AI - emeli aň üçin “gowy” talaplary nädip ýazmalydygyny jikme-jik düşündirdi.

Umuman aýdanyňda, sessiýalaryň atlary başda birneme çekindiriji ýaly bolsa-da, hemmeler bu çykyşlardan ýadamajakdyklaryna tiz düşündiler.

Şeýlelik bilen birnäçe tapgyrda 22 sany ugurdaş sessiýa geçirildi: dizaýn, Google ulanylyşynda startaplar, üstünlik hekaýalary, täze başlanlar üçin düzüjilik oýny...

Sessiýalaryň ahyrynda gatnaşyjylar festiwalyň netijelerini ara alyp maslahatlaşyp başladylar we kem-kemden dargap başladylar. Şeýle-de bolsa, olar uzak wagtlap aýrylyşmaýarlar: ýakynda has gyzykly tehnologiýa duşuşyklary bolar!