Biz ýakynlaşmagy ugur edinýäris

Günorta Koreýanyň LG kompaniýasy LG Signature OLED M. kysymly sim geçirijisiz telewizory öndürmäge başlady. Bu barada öndürijiniň saýtynda habar berilýär.

Telewizora diňe elekrik togy kabel arkaly berilýär, beýleki signallar bolsa LG Zero Connect protokolly Zero Connect Box sim geçirijisiz goşmaça enjamyň kömegi bilen iberilýär. Zero Connect Box-da zerur “girişler”, şol sanda HDMI 2.1, USB, Wi-Fi, LAN и Bluetooth gözöňünde tutulypdyr. LG Zero Connect protokoly bolsa, telewizora şekilleri 4K we 120 Gs çenli täzelenmek ýygylygy bilen ibermäge mümkinçilik berýär.

Bellenilişi ýaly, LG Zero Connect protokoly maglumatlary WI-FI 6E standartyndan üç esse ýokary tizlik bilen ibermegi üpjün edýär. Şeýle hem bu täze önüm Dolby Vision и Dolby Atmos formatlarda signallary kabul edýär hem-de 97 dýuým dioganally OLED panel bilen üpjün edilendir.

Geljekde LG kompaniýasy 77 we 83 dýuým ölçegdäki ekranly sim geçirisiz telewizorlary öndürmegi meýilleşdirýär.

ORIENT news

Foto: lgnewsroom.com