Biz ýakynlaşmagy ugur edinýäris

A.S.Puşkin adyndaky umumy bilim berýän bilelikdäki türkmen-rus orta mekdebiniň 9-njy “B” synp okuwçylary synp ýolbaşçysy Ýelena Ýurýewna Dorofeýewanyň ýolbaşçylygynda Täze ýyla baýramçylygyna bagyşlanan haýyr-sahawat çäresini geçirdi. Ynsanperwer çagalar we ene-atalar mümkinçiligi çäkli çagalar üçin baýramçylyk dabarasyny guradylar.

Ýaşajyk myhmanlar Aýazbabany we Garpamygy begenç duýgular bilen garşy aldylar, ertekiniň gahrymanlary bilen gyzykly oýunlara gatnaşdylar we soňra bolsa sowgatlary aldylar. Her bir çaga ýüzlerinde şatlykly duýgular peýda boldy.

“Ýagşylygy sowgat et” atly çäresi ýylsaýyn dowam edip gelýän asylly synp däbine öwrüldi. Okuwçylar özleriniň duýgurlygy we ünsi görkezip, mümkinçiligi çäkli çagalary hem-de olaryň ene-atalaryny mähirli gutlaýarlar. Bu däpler diňe bir çagalara şatlyk getirmän, eýsem ýaş ýürekleri rehimdarlyk we ýakynlaryna kömek etmek ilegi bilen terbiýeleýär.

Mekdep we synp ýolbaşçysy diňe bir bilim bermek bilen terbiýelemek maksadyny önünde goýman, durmuş taýdan jogapkärli raýatlar edip ýetişdirmekde aladalar etýärler. “Ýagşylygy sowgat et” atly çäresi, okuwçylara ynsanperwerlik we goşulyşmak gymmatlyklaryny ornaşdyrmak bilen mekdebiň bu maksada ýetmeginiň aýdyň mysalydyr.

“Ýagşylygy sowgat et” atly çäresiniň şowly bolmagy, hatda kiçijik ynsanperwer hereketleriniň hem uly gymmatlygy döredip biljekdigini görkezýär. 9-njy “B” synp okuwçylarynyň mysalynda beýleki çagalary işjeň raýatlyk ornuny we haýyr-sahawat taslamalaryna gatnaşmaga ruhlandyrýar.

“Ganatly Mekan” hususy kärhanasynyň direktory Bagty Annaýewanyň baýramçylygy guramakdaky ägirt uly goşandyny bellemän geçmek mümkin däl. Onuň goldawy we başlangyjy netijesinde ähli gatnaşyjylary bir ýere jemläp, olar üçin ýatdan çykmajak gün sowagt etmegi başardylar. Onuň aladasy we her bir zada üns bermegi netijesinde, baýramçylyk hakykatdanam aýratynlygy bilen tapawutlandyrdy.

Şeýle başlangyçlar özara kömek we raýdaşlyk ruhuny güýçlendirýär. Çagalara ýagşylyk etmek islegini ornaşdyrmak bilen, biz dünýäni gowulaşdyrmaga ukyply nesli döredýäris.

ORIENT

Foto: orient.tm