Biz ýakynlaşmagy ugur edinýäris

2024-nji ýylyñ 23-nji dekabrynda "Emeli añ Türkmenistanyñ bilim ulgamynda" atly ylmy-amaly maslahat geçirildi.

Türkmenistanyñ Bilim ministrliginiñ saýtynda habar berilişi ýaly, çäre 2023-nji ýylyñ 9-njy noýabrynda Türkmenistanyñ Bilim ministrligi hem-de ÝUNESKO-nyň Bilim ulgamynda maglumat tehnologiýalary institutynyň arasynda 2024-2025-nji ýyllarda hyzmatdaşlygy kämilleşdirmek boýunça “Hyzmatdaşlyk etmegiň Ýol kartasynda" kesgitlenen wezipeleri durmuşa geçirmegiñ çäklerinde guraldy.

Gatnaşyjylar bilimi dolandyrmagyñ maglumat ulgamlarynyñ ösüşi, mugallymlaryñ sanly ygtyýarlyklarynyñ ýokarlandyrylmagy, şeýle hem Türkmenistanyñ zerurlyklaryny we aýratynlyklaryny hasaba almak bilen, mugallymçylyk işine öñdebaryjy tehnologiýalaryñ ornaşdyrylmagy barada maslahatlaşdylar.

Maslahatyñ dowamynda bilim ulgamynda emeli añ tehnologiýalarynyñ ulanylyşyny ornaşdyrmak hem-de ony kämilleşdirmek meseleleri, emeli añ babatda mugallymlaryñ we talyplaryñ zerur bolan ygtyýarlyklary, şeýle hem ýaşlaryñ emeli añ tehnologiýasyny ulanmak bilen önümçilige taýýarlyk meselelerini ara alyp maslahatlaşdylar. Bilim ulgamynda emeli añ tehnologiýasyny ulanmak strategiýasynyñ taslamasyna garaldy, emeli añ boýunça halkara bilim meýdançalary bilen tanyşdyryldy.

ORIENT news

Foto: education.gov.tm