«Türkmentel-2024»: Tehnologiýanyň soňky gazananlary bilen tanyşmaga giň mümkinçilikler

07.11.2024 | 10:50 |

14-16-njy noýabr aralygynda Aşgabatda Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel – 2024» atly halkara sergisi we ylmy maslahaty geçiriler.

«Türkmenel—2024» halkara sergisi we ylmy maslahatyna Türkmenistan, Russiýa, ABŞ, Finlýandiýa, Türkiýe, Fransiýa, Germaniýa, Italiýa, Ispaniýa, Gresiýa, Irlandiýa, Belgiýa, Awstriýa, Beýik Britaniýa, Liwan, Belarus, Hindistan, Hytaý, Birleşen Arap Emirlikleri, Azerbaýjan, Özbegistan, Gyrgyzstan, Gazagystan, Owganystan ýaly ýurtlaryň 70-e golaý kompaniýasynyň 200-e golaý wekilleriniň gatnaşmagyna garaşylýar.

Şol sanda, «Halkara Elektroaragatnaşyk bileleşigi» (ITU), «Garaşsyz Döwletleriň Arkalaşygyna agza ýurtlaryň Aragatnaşyk boýunça sebit arkalaşygy» (PCC), «Bü¬tin¬dün¬ýä poçta birleşmesi» (UPU), Sanlary we Domen atlary berkitmek boýunça Internet – korporasiýasy (ICANN) ýaly abraýly halkara guramalaryň wekilleri hem gatnaşar. Forum ýerli we daşary ýurtly alymlar, bilermenler we işewürler üçin sanly transformasiýa, telekommunikasiýanyň geljegi, hemra tehnologiýalary, kiberhowpsuzlyk ýaly ugurlarda tejribe alyşmak üçin innowasiýa platformasyny döreder.

Maslahatyň dowamynda «Sanly çözgüt—2024» atly innowasion taslamalarynyň bäsleşiginiň jemi jemlener. Bu ýerde ýaş IT hünärmenler öz sanly çözgütlerini işewürler jemgyýetine görkezmäge mümkinçilik alarlar.

ORIENT news