China Daily neşirinde Hytaýyň bütindünýä howpsuzlygy boýunça başlangyjynyň Konseptual resminamasy barada gürrüň berdiler

27.02.2023 | 16:00 |

Hytaý resmi taýdan «Bütindünýä howpsuzlygy boýunça Konseptual resminamany»çap etdi - diýip, China daily habar berýär.

Resminamada Hytaýyň bütindünýä howpsuzlygyny goramak baradaky berk kararlydygy bellenip geçilýär. Başlangyç halkara dawalarynyň düýp sebäbini aradan aýyrmaga, durnuklylygy we bütindünýä ösüşi üpjün etmek boýunça halkara tagallalaryny höweslendirmäge niýetlenen bütindünýä howpsuzlygynyň alty sany esasy ýörelgesini özünde saklaýar.

Hytaý şeýle hem bütindünýä howpsuzlygy babatynda halkara hyzmatdaşlygy üçin ileri tutulýan 20 ugry belledi. Hususan-da, howpsuzlygy dolandyrmakda BMG-niň esasy ornuna goldaw bermek; ýiti meseleleri parahatçylykly çözmek üçin dialogy öňe sürmek; howpsuzlygyň däp bolup gelýän we däp bolmadyk meselelerine netijeli jogap bermek; bütindünýä howpsuzlygyny dolandyrmak ulgamyny hemişelik pugtalandyrmak we mümkinçiligi ösdürmek.

Bütindünýä howpsuzlygy babatyndaky başlangyç geçen ýylyň aprelinde HHR-nyň başlygy Si Szinpin tarapyndan Baos Aziýa forumynyň açylyşynda öňe sürlüpdi.

ORIENT habarlar