BMGÖM we Türkmenistanyň Tebigaty Goramak Jemgyýetiniň taslamasynyň çäginde aktiwistler Aşgabatda 90 tonna plastik galyndylaryny gaýtadan işlemäge tabşyrdylar

31.10.2022 | 14:55 |

Türkmenistanyň Tebigaty goramak jemgyýetiniň we BMGÖM-iň başlangyjy bilen synag taslamasynyň iki tapgyrynyň dowamynda Aşgabatda 90 tonnadan gowrak plastik galyndylar sortlaşdyryldy we gaýtadan işlenildi – diýip, BMGÖM-nyň biziň ýurdumyzdaky hemişelik wekili Narine Saakýan «Neýtralnyý Turkmenistan» gazetine beren interwýusynda gürrüň berdi.

Saakýan BMGÖM tarapyndan ýerli hünärmenleriň ekologiýa gurluşyk standartlary bilen tanyşdyrylýandygyny we Awaza myhmanhanalarynda «ýaşyl» standartlary girizmegiň mümkinçiliginiň ara alyp maslahatlaşylýandygyny, şeýle hem Türkmenistanyň myhmanhanalar pudagy üçin özüniň «ýaşyl» standartynyň işlenip taýýarlanýandygyny belledi.

Hemişelik wekil Türkmenistanyň howanyň üýtgemegi barada Dördünji Milli habaryny we Birleşen Milletler Guramasynyň Howanyň üýtgemegi baradaky Çarçuwaly konwensiýasynyň (UNFCCC) Ilkinji Iki ýyllyk hasabatyny işläp taýýarlamak boýunça ýetirilen işler hakynda gürrüň berdi.

Taýýarlyk işlerine ähli esasy ministrlikler we edaralar, şol sanda Bilim ministrligi gatnaşýarlar, ol mekdep okuwçylary üçin howanyň üýtgemegi bilen baglanyşykly interaktiw toplumyny okuw işine girizmeli.

ORIENT news
Surat: elorda.info