Biz ýakynlaşmagy ugur edinýäris

Gyşky transfer penjiresi henizem açyk. Bu bolsa ýokary derejeli futbol transfer möwsüminiň dowam edýändigini aňladýar. Diňe planetanyň öňdebaryjy ligalarynda däl, eýsem ýerli çempionata wekilçilik edýän türkmen oýunçylaryna-da isleg bar.

ORIENT okyjylaryny ýakynda daşary ýurt çempionatlaryna geçen oýunçylar bilen tanyşdyrmakçy.

Süleýman Muhadow («Hujans», Täjigidtan)

Türkmen hüjümçisi Süleýman Muhadow fewral aýynyň ahyrynda Täjigistan «Hujand» kluby bilen şertnama baglaşdy.

Mukadow eýýäm täze topar üçin Täjigistan-2023 Futbol ligasynyň kubogynyň jemleýji tapgyrynda «Hosilot» bilen oýnady. Dogry, ilkinji çykyşy üstünlikli diýip atlandyryp bolmaz. Onuň topary ýeňildi, futbolçynyň özi aýratyn hereketler bilen bellenmedi. Duşuşygyň esasy wagty deňlikde tamamlandy - 1:1, jerime urgusynda «Hosilot» oýunçylary has takyk boldy - 3:2.

29 ýaşly Muhadowyň Türkmenistan çempionatynda MTTU, «Altyn Asyr» we «Ahal» üçin oýna tejribesi bar. 2014-nji ýylda Aşgabadyň MTTU-nyň düzüminde Muhadow AFK-nyň prezidentiniň kubogyny aldy, Aziýanyň iň möhüm üçünji klub ýaryşynyň iň gymmatly we iň köp pökgi geçiren oýunçysy (11 gol) diýlip ykrar edildi.

Milli ýygyndynyň düzüminde Muhadow 2012-nji ýylyň 24-nji oktýabrynda Wýetnam bilen geçirilen dostlukly oýunda çykyş etdi (1:0). 2012-nji ýylyň 28-nji oktýabrynda Türkmenistanyň milli ýygyndysy üçin ilkinji pökgini Laos toparyna garşy geçirdi (4: 2).

Teýmur Çaryýew («Abdyş-Ata», Gyrgyzystan)

Çaryýewiň Gyrgyz klubyna barýarka ýeňip geçen çarhandakly ýollary netije berdi. Goragçy, toparyň Türkiýedäki türgenleşigine gatnaşyp, gözden geçirildi. Olar tamamlanadan soň «Abdyş-Atanyň» metbugat gullugy oýunçynyň geçýändigini habar berdi.

Çaryýew, Marynyň «Energetigi» üçin Türkmenistanyň çempionatynda sag tarap goragçy hökmünde oýnady. 22 ýaşly oýunçy Türkmenistanyň (U-23) ýaşlar topary üçin alty oýun oýnady. Aziýa - 2022 kubogynda Eýrana garşy ýeňiş gazandyran pökgini saldy.

Wepa Jumaýew («Energetik», Belarus)

Birinji Liga wekilçilik edýän Gomeliň «Lokomotow»-inden Belorusiýanyň ýokary diwizýonunyň «Energetik-BGU» toparyna geçen,Türkmen goragçysy Wepa Jumaýewiň töweregindäki ýagdaý, tutanýerlilik we sabyr bilen az bolmadyk üstünlükleri gazanyp boljakdygyny tassyklaýar.

Jumaýew «Slutsk» bilen ilkinji oýunda eýýäm ýeňiş gazanmagy başardy. Duşuşygyň netijesine görä, türkmen goragçysy birinji tapgyryň simwoliki ýygyndysyna goşuldy.

22 ýaşly Jumaýew Aziýa-2022 kubogynda Türkmenistanyň ýaşlar ýygyndysynyň düzümine gatnaşdy.

Myrat Ýagşyýew («Nebitçi», Gyrgyzystan)

«Altyn Asyr»-yň hüjünçisi Myrat Ýagşyýew Gyrgyzystanyň «Nebitçi»-si bilen bir ýyllyk şertnama baglaşdy.

31 ýaşly futbolçy dürli halkara ýaryşlarynda oýnamakda baý tejribä eýe.

Mirza Beknazarow («Narva Trans», Estoniýa)

«Ahal»-yň ýarym goragçysy Mirza Beknazarow Estoniýanyň «Narva Trans» kluby bilen «1 + 1» ulgamynda şertnama baglaşdy.

22 ýaşly oýunçy eýýäm AFK Çempionlar ligasynda we AFK kubogynda, şeýle hem ýurdumyzyň milli ýygyndysynda çykyş etdi.

Türkmen futboly soňky ýyllarda sportuň iň meşhur görnüşiniň kämilleşmegi bilen baglanyşykly birnäçe düýpli özgerişlikleri başdan geçirdi we sanawda ýaş futbolçylaryň bolmagy ösüşiň dogry ugurdadygyny görkezýär.

Artur Petrosýans

Foto: предоставлено агентом футболистов