Biz ýakynlaşmagy ugur edinýäris

Eziz Doganlar H.J., Türkmenistanyň Senagatçylar we telekeçiler birleşmesiniň agzasy bolan hususy hojalyk jemgyýeti, Türkmenistan Maýa goýum Foruma (TIF 2025)-nyň Altyn hemaýatkäri (Gold Sponsor) bolar. Forum 2025-nji ýylyň 18–19-njy sentýabrynda Türkmenbaşy şäherindäki Hazar deňziniň kenarynda ýerleşýän «Awaza» sport toplumynyň Konferensiýa merkezinde geçiriler.

Ony Türkmenistanyň Maliýe we Ykdysadyýet ministrligi hem-de Daşary işler ministrligi guraýar. Forum işewürligiň, döwlet edaralarynyň we halkara maýa goýum jemgyýetiniň wekillerini birleşdirip, ösüş mümkinçiliklerini we hyzmatdaşlygy giňeltmek boýunça meseleleri ara alyp maslahatlaşmaga mümkinçilik döredýär.

2025-nji ýylyň 12-nji martynda Garaşsyz Türkmenistanyň batly ösýän ykdysadyýeti üçin möhüm waka boldy. Şol gün Prezident Serdar Berdimuhamedow Ahal welaýatynyň Bäherden etrabyndaky täze möhüm desganyň – «Bäherden» keramiki önümler kärhanasynyň açylyş dabarasyna gatnaşdy.

Türkmenistanyň Prezidentiniň 2021-nji ýylyň 16-njy noýabryndaky №2503 karary bilen Ahal welaýatynyň Bäherden etrabynda keramiki bezeg plitalaryny we sanitariýa-tehniki önümleri öndürýän zawod gurmak baradaky çözgüt çykaryldy. Täze kärhana dört ýyldan az wagtyň içinde Türkmenistanyň Senagat we gurluşyk önümçiligi ministrliginiň buýrugy esasynda, Türkmenistanyň Senagatçylar we telekeçiler birleşmesiniň agzasy bolan Eziz Doganlar H.J. tarapyndan guruldy. Kärhana işe girizilen dessine ýurduň dürli gurluşyk taslamalaryny hem-de ilaty ýokary hilli gurluşyk önümleri bilen doly üpjün edip başlady.

Täze kärhana 30 gektar meýdanda ýerleşýär we ýylda 3,3 million m² keramiki plitalary (1 650 000 m² keramo-granit we pol plitalary, 1 650 000 m² diwarlyk plitalary) hem-de 120 müň sany sanitariýa-faýans önümleri öndürmäge ukyplydyr. Önümçilik zerurlyklary üçin kärhananyň ýyllyk çig mal sarp edişi 135 müň tonna bolup, olaryň esasy bölegi ýerli çig maldyr.

Täze zawod birnäçe binalardan we цехlerden ybarat bolup, 455 işgär üçin döwrebap iş we durmuş şertleri döredýär. Kärhana Ýewropada güýji bolan halkara standartlaryna laýyklykda gurlandygyny we ýokary tehnologiýaly enjamlaryň ornaşdyrylandygyny tassyklaýan SACMI Imola Societa Cooperativa kompaniýasynyň sertifikatyna eýedir. Mundan başga-da, Italiýanyň Associazione Costruttori Italiani Macchine Attrezzature per Ceramica kompaniýasynyň sertifikaty bu önümçiligiň ekologiýa taýdan arassa we halkara hil, ekologiýa, saglyk we howpsuzlyk standartlaryna doly laýyk gelýändigini tassyklaýar. «Bäherden» kärhanasynda Italiýanyň SACMI Imola S.C. kompaniýasynyň häzirki zaman enjamlary ornaşdyrylypdyr we ähli önümçilik prosesleri doly awtomatlaşdyrylan ýagdaýda alnyp barylýar. Şeýle hem kärhananyň laboratoriýasy ýokary tehnologiýaly «SACMI» enjamlary bilen üpjün edilip, önümçiligiň fiziki-himiki synaglaryny ýerine ýetirýär: agramy, çyglylygy, suwuklygy özleşdirme derejesi, berkligi, glazurasy we goşundylaryň möçberi barlanýar.

«Bäherden» kärhanasynda ähli önümçilik bölümlerinde robotlaşdyrylan transportirler, awtomatlaşdyrylan konweýerler ulanylýar, maglumat tehnologiýalary we emeli aň giňden ornaşdyrylýar.

Türkmenistanyň çäginde döwrebap tehnologiýalar bilen enjamlaşdyrylan täze senagat kärhanalary yzygiderli gurlup, ýerli çig maldan halkara standartlaryna laýyk gelýän önümler öndürilýär. Olar içerki bazarda hem-de daşary ýurtlarda uly islegden peýdalanýar. Türkmenistanyň ykdysadyýetiniň çalt ösüşiniň aýdyň subutnamasy hökmünde şu ýyl işe girizilen «Bäherden» keramiki önümler kärhanasy görkezilýär.

Foto: tif-turkmenistan.com