Kýurasao ilkinji gezek dünýä çempionatyna çykdy we turnire ýollanma alan iň az ilatly ýurt boldy
Kýurasaonyň milli ýygyndysy ilkinji gezek futbol boýunça dünýä çempionatyna çykyp, taryhy üstünlik gazandy. Şol bir wagtyň özünde, ol dünýä çempionatyna çykmagy başaran iň az ilatly ýurt boldy. Adada, takmynan, 156 müň ilat ýaşaýar. Munuň özi Kýurasaonyň bu ugurdaky ozalky rekordyň eýesi Islandiýany yzda galdyrmagyna mümkinçilik berdi.
