Biz ýakynlaşmagy ugur edinýäris

Aşgabat, 11-nji oktýabr | ORIENT. Türkmenistanyň paýtagty giň gerimli halkara çäräniň geçiriljek ýerine öwrüldi: Söwda-senagat edarasynda “Saglygy goraýyş, bilim we sport” atly halkara sergisi we ylmy maslahaty geçirýär. Saglygy goraýyş we derman senagaty işgärleriniň gününe gabat gelýän däp bolan forum 180-den gowrak öňdebaryjy kompaniýany we 40 ýurtdan 120 sany alymy we lukmanlary bir ýere jemledi.

Açylyş dabarasy, diplomatik korpusyň wekillerini we hökümet agzalaryny bir ýere jemledi, bu bolsa çäräniň döwlet dörejesindäki ähmiýetini nygtady.

Lukmançylyk ulgamyndaky hyzmatdaşlygynyň geografiýasy

Sergi, Türkmenistanyň halkara hyzmatdaşlygynyň merkezi hökmünde derejesini nähilli pugtalandyrýandygyny aýdyň görkezýär. Kompaniýalaryň diwarlyklary ählumumy tehnologiýalaryň kartasyna öwrüldi. Bu ýerde “Siemens Healthineers” (rentgen enjamlary, tomograflar) we “Seda Medical” (barlaghana anyklaýyşy) ýaly kompaniýalaryndan ň soňky gazanylanlar hödürlendi. “Illumina” kompaniýasy (ABŞ) genetikany öwrenmek üçin enjamlary, “Fresenius Medical Care” (Germaniýa) bolsa – dializ pudagynda innowasion çözgütleri görkezýär.

Innowasion derman serişdeleri we sanjymlar Roche”, “Sandoz” (Şweýsariýa), “Sanofi” (Fransiýa), “Krka” (Sloweniýa) we “Gedeon Richter” (Wengriýa) ýaly öňdebaryjylar tarapyndan hödürlendi.

Hindistanyň derman öndürijileri (“SR Pharmaceutical Industries, Healthium”), Türkiýäniň, Pakistanyň we Hytaýyň kompaniýalary işjeň gatnaşýarlar hem-de myhmanlary häzirki zaman we adaty halk lukmançylygynyň gazananlary bilen tanyşdyrýarlar.

Daşary ýurtly gatnaşyjylaryň belleýşi ýaly, yzygiderli aragatnaşyk gurmak we Ýewropanyň we Aziýanyň öňdebaryjy hünärmenleri bilen tejribe alyşmak ählumumy saglygy goraýyş boýunça meseleleri çözmäge umumy goşantdyr.

Arkadag şäheri – saglyk klasteri

Arkadag şäheriniň saglygy goraýyş ulgamynda gazanan üstünliklerine bagyşlanan pawilýonda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň durmuşa geçirýän asylly işleri görkezilýär. Bu Gazna tarapyndan çagalaryň hassahanasyna lukmançylyk enjamlary we “Tiz kömek” awtoulaglary satyn alynýar, howandarlyga mätäç çagalara dürli operasiýalary geçirmek we olaryň bejergileri üçin çykdajylar tölenilýär.

“Arkadag Medisina Klasteri Menejment” kärhanasy ýokary ekologik talaplara laýyk gelýän lukmançylyk serişdelerini (bir gezeklik agyz-burun örtüklerini, başgaplary, halatlary, aýakgap örtüklerini) öndürmek işi ýola goýulandygyny görkezdi. Kärhananyň önümleri we çaga iýmitleri eýýäm Moskwada geçirilen gözden geçirilişde “Ýylyň önümi” atly altyn medala mynasyp boldy.

Şeýle hem Türkmenistanyň Saglygy goraýyş we derman senagaty ministrliginiň sergi diwarlygynda ýerli çig mallardan öndürilýän dermanlaryň we lukmançylyk serişdeleriniň dürli görnüşleri hödürlendi.

Ylmyň gazananlary: Dermanlyk ösümliklerden sanly lukmançylyga çenli

Bu sergi, türkmen halkynyň Milli Lideri, Halk Maslahatynyň Başlygy, Gurbanguly Berdimuhamedowyň täze eserlerini tanyşdyrmak üçin meýdança bolup hyzmat etdi.

Bu “Türkmenistanyň dermanlyk ösümlikleri” atly köp jiltli ylmy-ensiklopedik kitabynyň XVII jildi gündogaryň lukmançylygynyň we türkmen tebipleriniň tejribesine esaslanyp, 107 sany derman ösümligi barada giňişleýin maglumat berýär. Bu bolsa dünýä fitoterapiýasynda bahasyna ýetip bolmajak goşantdyr.

Anyk delilleriň we statistika maglumatlaryna esaslanýan “Saglygy goraýyşda ýetilen sepgitler” atly kitabynda pudagy özgertmegiň netijesinde gazanylan üstünlikler barada gürrüň berilýär: sanly lukmançylykdan başlap, sanitariýa-epidemiologiki abadançylygy üpjün etmek, onkologiýa we kardiologiýa hyzmatlarynyň ösdürilmegine çenli.

Ylmy dialog we ylalaşyklar

Tanyşdyryşlardan soň döwrebaplaşdyrmagyň ileri tutulýan ugurlaryny ara alyp maslahatlaşýan ylmy maslahat açyldy: sagdyn durmuş ýörelgesini wagyz etmek, maşgala lukmançylygy institutyny ösdürmek we lukmanlaryň hünär derejesini ýokarlandyrmak.

Forum akademiki we ylmy alyş-çalşygy ösdürmäge gönükdirilen täsirli halkara resminamalar toplumyna gol çekdi. Olaryň arasynda:

Russiýanyň (Kalmyk, Perm, Kazan Kazan lukmançylyk), Beýik Britaniýanyň (Norwiç, Westminster), Türkiýäniň, Wýetnamyň, Gruziýanyň we Azerbaýjanyň uniwersitetleri bilen 8 sany özara düşünişmek hakyndaky Ähtnamalar Türkmenistanyň ylym we bilim dünýäsiniň giňelmegine şaýatlyk edýär.

BMG-nyň guramalary bilen gol çekilen esasy resminamalar: UNFPA bile bilelikdäki 2025-nji ýyl üçin iş meýilnamasy we ÝUNISEF bilen 2026 — 2028-nji ýyllar üçin waksinalary satyn almak barada Ylalaşyk. Munuň özi bolsa Türkmenistanyň halkara standartlaryna ygrarlydygyny tassyklaýar.

Sport we bilim: ugur sagdyn nesili kemala getirmä tarap

Ýeňijileriň kuboklary we medallary bilen bezelen Türkmenistanyň Bedenterbiýe we sport baradaky döwlet komitetiniň diwarlygy türkmen sportunyň sport diplomatiýasynyň mümkinçiliklerinden işjeň peýdalanyp, hil taýdan täze derejä ýetendigini aýdyň görkezýär.

Umuman aýdylanda, forum Türkmenistanyň üç sany strategiýasyny tassyklady: saglygy berkitmek, bilimi ösdürmek we sporty halkyň abadançylygy üçin esas hökmünde wagyz etmek.

Sergi 12-nji oktýabra çenli dowam edip, tejribe alyşmak we bu strategiki möhüm ugurda täze işewürlik başlangyçlaryny öňe sürmek üçin ajaýyp meýdançany üpjün eder.

Foto: orient.tm