Biz ýakynlaşmagy ugur edinýäris

Türkmenistanyň Ylymlar akademiýasynyň «Ylym» neşirýaty tarapyndan «Milli Liderimiziň «Hakyda göwheri» kitaby ─ bilim we terbiýe mekdebiniň gymmatly hazynasy» atly täze kitap ─ ylmy-usuly gollanma çapdan çykaryldy. Hemişelik bitaraplygymyzyň 30 ýyllygy mynasybetli çap edilen gollanma türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň eserini okuw-terbiýeçilik işinde ulanmak boýunça usuly maslahatlaryna bagyşlanandyr.

Gollanmada Türkmenistanyň Milli Bilim institutynyň usulçylary, ylmy işgärleri we aspirantlary tarapyndan taýýarlanan makalalar ýerleşdirilendir.

Esasy maksat: «Hakyda göwheri» kitabynda beýan edilen terbiýe we bilim mekdebiniň tükeniksiz hazynasyny açyp görkezmek hem-de bu eseri okuw-terbiýeçilik işine ornaşdyrmagyň amaly usullaryny we mümkinçiliklerini hödürlemek.

Okyjylarara gönükdirilmegi: mugallymlar, bilim ulgamynyň işgärleri, şeýle hem ýokary okuw mekdepleriniň talyplary we magistrantlary üçin. Gollanma olara watansöýüji, zähmetsöýer hem-de ruhy taýdan kämil nesilleri terbiýelemekde ýardam etmäge gönükdirilendir.

Makalalarda bellenilişi ýaly, türkmen we iňlis dillerinde neşir edilen «Hakyda göwheri» kitaby möhüm çeşme bolup durýar:

• Ähli dersler üçin: maglumatlary orta mekdeplerde filologiýa, takyk we tebigy ylymlary, jemgyýetçilik ylymlary, sungat, tehnika we lukmançylyk sapaklarynda peýdalanyp bolar.

• Taryhy maglumatlar: eserde Änew, Altyndepe we Marguş ýaly gadymy siwilizasiýalar barada takyk taryhy maglumatlar beýan edilýär. Şeýle hem XX asyryň başlarynda geçirilen arheologik açyşlaryň esasynda Änewiň “ak bugdaýyň watany” hökmünde ykrar edilendigi aýratyn nygtalýar.

• Medeni miras: kitap türkmen halkynyň beýik taryhy, Oguz edebi mirasy we umumadamzat medeni gymmatlyklaryna goşan goşandy barada gymmatly maglumatlary özünde jemleýän pähim-paýhas çeşmesi hökmünde görkezilýär.

Neşirde belleýşi ýaly, bu eseri döredijilikli peýdalanmak okuwçylaryň dünýägaraýşyny giňeltmäge we olaryň bilim derejesini ýokarlandyrmaga ýardam berýär. Milli Liderimiziň ylmy-filosofik eserleri, şol sanda «Hakyda göwheri», ýaş nesil üçin ýaşaýşyň we döredijiligiň ýol görkeziji yşygy hökmünde häsiýetlendirilýär.

ORIENT

Foto: education.gov.tm