Türkmenistan we AÖB täze taslamalary durmuşa geçirmek üçin hyzmatdaşlygyň kanuny esaslaryny pugtalandyrylýar
02.10.2025 | 19:15 |
AŞGABAT, 2-nji oktýabr | ORIENT. Türkmenistanyň Daşary işler ministri Raşid Meredow bilen Aziýa ösüş bankynyň (AÖB) Türkmenistandaky hemişelik wekilhanasynyň direktory Artur Andrisýakyň arasynda duşuşyk geçirildi. Duşuşygyň gün tertibi hyzmatdaşlygy ösdürmäge we ony amaly taýdan durmuşa geçirmegiň täze tapgyryna geçmäge gönükdirildi.
Duşuşygyň dowamynda taraplar AÖB-yň gatnaşmagynda Türkmenistanda durmuşa geçirilmegi meýilleşdirilýän anyk taslamalaryň durmuşa geçirilmegi bilen baglanyşykly birnäçe meseleler ara alnyp maslahatlaşyldy. Aziýanyň ösüş banky ýurt üçin ulag, energetika we maliýe infrastrukturasyny ösdürmekde möhüm maliýe hyzmatdaşydyr.
Ikitaraplaýyn hyzmatdaşlygyň hukuk binýadynyň mundan beýläk-de giňeldilmegine aýratyn üns berildi. Bu binýady berkitmek uly göwrümde maýa goýumlaryny çekmek we täze maliýe mehanizmlerini işe girizmek üçin zerurdyr.
Şunuň bilen baglylykda, Türkmenistanyň Hökümetiniň we bank ulgamynyň wekilleri bilen AÖB-nyň ýolbaşçylarynyň we degişli düzümleriniň arasynda bilen göni aragatnaşyk saklamagynyň ähmiýeti nygtaldy. Maliýe guramalarynyň arasyndaky dialogyň güýçlendirilmegi iş amallaryny işjeňleşdirmek we bankyň karz serişdelerinden netijeli peýdalanmagy üpjün etmek üçin niýetlenendir.
Söhbetdeşler özara peýdaly hyzmatdaşlygy mundan beýläk-de ösdürmäge gönükdirilen konstruktiw dialogy dowam etdirmäge taýýardyklaryny mälim etdiler.
Tema boýunça
Türkmenistanyň edaralary BSG-a goşulmak boýunça AÖB bilen maslahatlaşýarlar
Türkmenistanyň Prezidenti AÖB-nyň wise-prezidentini kabul etdi: ugur ykdysadyýeti pugtalandyrmaga
Foto: mfa.gov.tm
Şeýle hem okaň:
03.10.2025
|11:30
02.10.2025
|10:30
