2026-njy ýylyň 15–17-nji ýanwary aralygynda Stambul sergi merkezinde 13-nji Halkara ATRAX sergisi geçiriler. 55 müň m² meýdany eýeleýän bu çärede 400-den gowrak gatnaşyjy hem-de dynç alyş pudagynyň müňlerçe hünärmenleri jemlener.

ATRAX sergisi bu pudagyň dürli ugurlaryna degişli bäş tematiki zalyny öz içine alýar. Esasy temalaryň arasynda attraksion enjamlary, tematiki parklary, oýun we başdan geçirme zolaklary, şeýle hem şäher meýilnamalaşdyrylyşy we landşaft dizaýny bar. Mundan başga-da, sport desgalaryna, çagalar meýdançalaryna we suw bilen baglanyşykly dynç alyş toplumlaryna aýratyn üns berler.

Serginiň temasy attraksion we oýun zolaklarynyň enjamlaryny, şeýle hem şäher giňişlikleri we landşaft dizaýny üçin çözgütleri öz içine alýar. Munuň düzüminde çagalar meýdançalary, sport toplumlary we tematiki parklaryna degişli desgalar bar. Şeýle hem çäräniň çäklerinde suw bilen baglanyşykly dynç alyş toplumlary üçin enjamlaryň — howuzlaryň, spa-salonlaryň we howuz töweregindäki açyk oturgyç-mebelleriň görkezilmegi meýilleşdirilýär. Köp sanly kompaniýalar açyk meýdançalaryň dizaýny we abadanlaşdyrylyşy boýunça çözgütleri hödürlär.

Çäräniň guramaçysy Tureks Uluslararası Fuarcılık A.Ş. kompaniýasydyr. Sergä daşary ýurt kompaniýalarynyň gatnaşmagy göz öňünde tutulyp, bu halkara işewür gatnaşyklary giňeltmek üçin ajaýyp mümkinçilikleri açar.

ATRAX, dynç alyş we şäher infrastrukturasy ulgamynda innowasion çözgütleri alyşmak, söwda hyzmatdaşlyklaryny berkitmek we pudagy has-da ösdürmek üçin möhüm meýdança bolar. Has giňişleýin maglumatlary serginiň resmi web sahypasynda tapyp bilersiňiz: https://atraxexpo.com/.

ORIENT