Biz ýakynlaşmagy ugur edinýäris

Aşgabatdaky Rus öýi 7-10 ýaş aralygyndaky çagalar üçin tomusky dynç-alyş we bilim maksatnamasyny guraýar. Sapaklar 21, 23 we 25-nji iýulda geçiriler hem-de baý mazmunly, gyzykly we öwrediji maksatly bolar. Maksatnama ussatlyk sapaklaryndan we hereket oýunlaryndan tanslara we edebiýat wiktorinalaryna çenli dürli çäreleri öz içine alýar. Her gün gatnaşyjylara tematiki baýramçylyk garaşýar:

21-nji iýulda – “Howa şarlar” baýramçylygy, “Dostluk tegelegi” tomusky horowod oýunlary we plastilin boýunça döredijilik sapaklary. 23-nji iýulda – Zumba Kids sapagy, Nikolaý Nosowyň hekaýalary boýunça okyjy ýaryşlary, “Hyýar howsalasy” şadyýan çäresi hem-de “Hasyly ýygna” wiktorinasy.

25-nji iýul – Zumba Kids sapaklarynyň dowamy, ösdüriji hereket oýunlary, küşt güýmenjesi we origami elementli süýji “Tort güni”. Ähli çäreler 13:00-dan 16:00-a çenli Saparmyrat Türkmenbaşy şaýoly, 11 salgysy boýunça geçiriler.

Gatnaşmak üçin öňünden ýazylmaly. Ýerler çäkli – 18 gatnaşyja çenli. Bellige alnyş otdel_tm@mail.ru elektron poçtasy arkaly amala aşyrylýar.

ORIENT

Foto: depositphotos