Türkmenistanyň Halk Maslahatynyň Başlygy Geýdar Aliýewi hatyralady we Bakudaky Ýeňiş ýadygärlikler toplumyna baryp gördi Orient

Türkmenistanyň Halk Maslahatynyň Başlygy Geýdar Aliýewi hatyralady we Bakudaky Ýeňiş ýadygärlikler toplumyna baryp gördi

16.07.2025 | 15:50 |

16-njy iýulda Türkmenistanyň Halk Maslahatynyň Başlygy Gurbanguly Berdimuhamedow Azerbaýjana amala aşyrýan saparynyň çäginde Bakudaky Hormat meýdançasyna baryp gördi.

Türkmen halkynyň Milli Lideri häzirki zaman Garaşsyz Azerbaýjan döwletini esaslandyryjy Geýdar Aliýewiň ýagty ýadygärligini hatyralady we aramgähine gül dessesini goýdy.

pamyat-gejdara-alieva-park-pobedy-baku (1).jpeg

Gurbanguly Berdimuhamedow görnükli oftalmolog-alymy, akademik Zarifa Aliýewanyň aramgähine gül dessesini goýup, onuň ýagty ýadygärligini hatyralady.

Türkmenistanyň Halk Maslahatynyň Başlygy şeýle-de Bakudaky Ýeňiş ýadygärlikler toplumynyň baryp gördi, bu ýerde myhmanyň hormatyna hormat garawuly hatara düzüldi diýip, Azertag habar berýär.

Gurbanguly Berdimuhamedow ýadygärlige gül dessesini goýdy. Soňra ýokary derejeli myhmana 2024-nji ýylyň 8-nji noýabrynda açylan Ýeňiş ýadygärlikler toplumy barada giňişleýin maglumat berildi.