Biz ýakynlaşmagy ugur edinýäris

Türkmenistanyň Döwlet binagärlik-gurluşyk institutynyň wekili BMG-niň Senagat ösüşi boýunça guramasy (UNIDO) tarapyndan gurnalan halkara okuw seminarynda gatnaşdy. Bu çäre 15-22-nji iýun aralygynda Moskwada geçirildi. Seminaryň esasy temasy — tebigy sowadyjy serişdeleri bilen howpsuz işleşmek, öňdebaryjy tehnologiýalar we howpsuzlyk kadalary boldy.

Seminara degişli ýokary okuw mekdepleriniň, şol sanda Ýagşygeldi Kakaýew adyndaky Halkara nebit we gaz uniwersitetiniň wekilleri gatnaşdy. Okuw maksatnamasy nazary sapaklary hem-de ekologiýa taýdan arassa sowadyjy serişdeleri ulanýan senagat desgalaryna amala aşyrylan saparlary öz içine aldy.

Çäräniň dowamynda gatnaşyjylar ammiak (R-717) ulanylýan senagat sowadyjy enjamlary öndürýän «Senagat çözgütleri» kärhanasynyň işi, şeýle-de «Globus» söwda merkezindäki sowadyş ulgamlarynyň infrastrukturasy bilen tanyşdylar. Şeýle hem, Wladimir oblastyndaky ýokary derejede ýerli önümçilikli sowadyjy ulgamlary öndürýän öňdebaryjy kärhanalaryň biri bolan «TehnoFrost» zawodyna sapar guraldy.

18-nji iýunda wekiller «Gidroftoruglerodlardan ýüz öwürmegiň çäklerinde sowadyjy ulgamlarda energiýa netijeliligi» atly ylmy-amaly maslahatyna gatnaşdylar. Bu maslahat «KrioFrost» akademiýasy tarapyndan UNIDO we «Rossýuzholodprom» pudak birleşigi bilen bilelikde geçirildi. Maslahatda Russiýadan, Belarusdan we halkara guramalardan bilermenler çykyş etdiler.

Maslahatyň dowamynda Monreal protokolyny we Kigali düzedişini durmuşa geçirmek ýollary, energiýa netijeliliginiň standartlary hem-de tebigy sowadyjy serişdelerine geçmek boýunça halkara tejribe ara alnyp maslahatlaşyldy.

Okuw maksatnamasy tamamlanandan soň, 19-njy iýunda türkmen wekiliýeti Aşgabada dolandy.

ORIENT

Foto: Ýagşygeldi Kakaýew adyndaky Halkara nebit we gaz uniwersiteti