Magtymguly Pyragynyň 300 ýyllygy mynasybetli Hyrat şäherinde seminar geçirildi
29.12.2024 | 16:50 |
Beýik akyldar we türkmen şyyrýetiniň nusgawy şahyry Magtymguly Pyragynyň doglan gününiň 300 ýyllygy mynasybetli Mary welaýatynyň sungat işgärleri, nusgawy şahyryň eserini öwrenijiler Owganystanyň Hyrat şäherine baryp gördüler.
Iki günlük saparyň dowamynda, Mary welaýatynyň häkimiýetleriniň we Türkmenistanyň Hyrat şäherindäki Baş konsullygynyň bilelikdäki guramasy bilen Magtymguly Pyraga bagyşlanan seminar geçirildi.
Çärede çykyş edenler Pyragynyň ömri we döredijiligi, onuň eserleri we yslam dünýäsindäki ähmiýeti, türkmen-owgan dostluk we doganlyk gatnaşyklary barada, şeýle hem türkmen, dari we puştun dillerinde agzybirlige çagyryşlar barada çykyş etdiler. Beýik şahyryň dürli dillerde neşir edilen goşgulary hem okaldy.
Çäräniň ahyrynda gatnaşyjylar gün saýyn berkeýän iki ýurduň arasynda dostlukly we doganlyk gatnaşyklara buýsanýandyklaryny beýan etdiler.
ORIENT news
Foto: Türkmenistanyň Hyrat şäherindäki Baş konsullugy
Şeýle hem okaň:
02.01.2025
|13:57
02.01.2025
|13:20
31.12.2024
|09:00
30.12.2024
|12:55
29.12.2024
|17:25
