Kanadanyň Türkmenistandaky, Gazagystandaky, Özbegistandaky we Täjigistandaky diplomatik wekilhanasy “CFLI” maksatnamasynyň çäklerinde uly bolmadyk ýokary netijeli taslamalaryň bäsleşigini yglan edýär.

Owganystanyň senagat we söwda ministriniň wezipesini ýerine ýetiriji Nuruddin Aziziniň ýolbaşçylygyndaky wekiliýetiň Türkmenistana saparynyň netijelerine bagyşlanyp, 5-nji martda Daşary işler ministrliginde ikitaraplaýyn mejlis geçirildi.

Saud Arabystany Patyşalygynyň maýa goýum ministriniň Maýadarlar bilen aragatnaşyk saklamak boýunça orunbasary Badr Al-Badr iş sapary bilen Aşgabat şäherine geldi. Sişenbe güni ony Türkmenistanyň Daşary işler ministrliginde edaranyň ýolbaşçysy Raşid Meredow kabul etdi.

2023-nji ýylda Azerbaýjan Türkmenistandan 1,51 milliard kub metr tebigy gaz import etdi. Bu 2022-nji ýyldakydan (857 million kub metr) 77% ýokarydyr.

Söwda-senagat edarasynda geçirilen söwdada geleşikleriň jemi 71-si baglaşylyp, 107 milliondan gowrak dollarlyk we 33 milliondan gowrak manatlyk harytlar ýerlenildi.

Owganystanyň çäginde Türkmenistan-Owganystan-Päkistan-Hindistan transmilli gaz geçirijisiniň bir böleginiň gurluşygyna taýýarlyk görülýär.

4-5-nji mart aralygynda Aşgabatda geçirilen türkmen-owgan işewürler forumynda türkmen we owgan hususy kompaniýalarynyň arasynda bir Ähtnama we 16 sany ylalaşyga gol çekildi. Eksport şertnamalarynyň umumy pul mukdary 7 million 721 müň ABŞ dollaryndan gowrak boldy.

Türkmenistanyň Döwlet gümrük gullugynyň wekilleri Adam söwdasy we kontrabanda bilen meşgullanýan şahslary ýüze çykarmak boýunça okuw maslahatyna gatnaşdylar.

Türkmenistanyň we Owganystanyň ýokary derejeli wekiliýetleri Aşgabatda bilelikdäki iri taslamalaryň işini ilerletmek boýunça gepleşikleri geçirdi. Bu taslamalaryň durmuşa geçirilmegine gatnaşýan iki ýurduň pudak edaralarynyň ýolbaşçylary duşenbe güni, 4-nji martda türkmen-owgan işewür forumynyň çäginde duşuşdylar.

Serhetüsti suw çeşmelerini ulanmak we owgan halkynyň abadançylygyny ýokarlandyrmak üçin niýetlenen suw desgalaryny gurmak meselesinde Kabul, elbetde, goňşy ýurtlar bilen özara razylyk, aç-açanlyk we deňlik ýörelgelerinden ugur alar diýip, Owganystanyň Senagat we söwda ministri Nuruddin Azizi, 4-nji martda Aşgabatda geçirilen türkmen-owgan işewür forumynda aýtdy.