Biz ýakynlaşmagy ugur edinýäris

Ozal habar berşimiz ýaly, 18-nji martda Aşgabat şäherinde “Türkmenistanyň geljegine maýa goýumlar” (IFT 2025) atly ilkinji Halkara forum geçirilip, ol 26 ýurtdan 200-den gowrak wekilleri ýygnar. Çärä Türkmenistanyň ministrlikleriniň we pudaklaýyn dolandyryş edaralarynyň wekilleri, daşary ýurt maýadarlary, iri kompaniýalaryň ýolbaşçylary, şeýle hem ykdysadyýet we innowasiýa bilermenleri gatnaşar.

Forumda Russiýanyň wekiliýetine Lipeskiň söwda-senagat edarasynyň prezidenti we “Lipesk oblastynyň Eksporty goldamak merkezi” awtonom täjirçilik däl guramasynyň direktory Anatoliý Golsow ýolbaşçylyk eder. Şeýle-de, rus tarapyndan RF-iň Daşary işler ministrliginiň, Ykdysady ösüş ministrliginiň we Russiýanyň Senagat söwda ministrliginiň wekilleri gatnaşar. Golsow Rus-Türkmen işewürlik geňeşiniň başlygynyň orunbasary bolmak bilen, rus işewürliginiň bähbitleri we söwda-senagat edaralarynyň ulgamlary bilen tanyşdyrar.

Forumyň çäklerinde Türkmenistanyň hususy böleginiň esasy ösüş ugurlarynyň, ykdysadyýetiň strategiki taýdan möhüm pudaklaryna öňdebaryjy tehnologiýalaryň ornaşrydylmagynyň hem-de maýa goýumlaryň çekilmeginiň ara alyp maslahatlaşylmagy meýilleşdirilýär. Gatnaşyjylar halkara hyzmatdaşlygy giňeltmek hem-de işewürlik üçin täze mümkinçilikleri döretmek meselelerine hem gararlar.

Şeýle-de okaň: IFT 2025: Halkara maýa goýum forumy öňdebaryjy kompaniýalary çeker

Foto: lipetsktime-ru