Biz ýakynlaşmagy ugur edinýäris

Braziliýaly meşhur futbolçy Neymar, Saud Arabystan Patyşalygynyň «Al-Hilal» futbol klubundan gitdi. Bu barada «Al-Hilal» klubynyň resmi saýtynda habar berildi.

«Al-Hilal» bilen Neymar özara ylalaşyk esasynda şertnamany ýatyrmak kararyna geldi. Biz Neymar bilen işleşen döwrümiz üçin oňa minnetdarlygymyzy bildirýäris we onuň kärinde üstünlik arzuw edýäris» diýlip, habarda bellenilýär.

32 ýaşly Neymar dünýä futbolynyň iň zehinli oýunçylarynyň biri bolup, 2023-nji ýylyň awgust aýynda Ispaniýanyň «Barselona» we Fransiýanyň «Pari Sen-Žermen» klublarynda çykyş edeninden soň, «Al-Hilal» klubuna goşuldy.

Neymar, «Al-Hilal» bilen ummasyz baha şertnama baglaşan hem bolsa, milli ýygyndysynyň düzüminde 2023-nji ýylyň oktýabrynda alan şikesi sebäpli bir ýyl oýun meýdançasyna çykyp bilmedi. Ol «Al-Hilal» klubunda bary-ýogy 7 oýunda çykyş edip, 1 gol geçirdi we 3 netijeli pas berdi.

Neymar futbol kärini başlan kluby «Santos» bilen täze şertnama baglaşar diýlip garaşylýar.

ORIENT News

Foto: sport-interfax.ru