Aşgabatda boş iş orunlaryň ýarmarkasy geçiriler Orient

Aşgabatda boş iş orunlaryň ýarmarkasy geçiriler

28.01.2025 | 12:05 |

2025-nji ýylyň 5-nji fewralynda Aşgabatdaky Türkmenistanyň Senagatçylar we telekeçiler birleşmesiniň binasynda boş iş orunlaryň ýarmarkasy geçiriler. Ol Türkmenistanyň Senagatçylar we telekeçiler partiýasynyň Aşgabat şäher komiteti bilen bilelikde Bagtyýarlyk, Berkararlyk, Büzmeýin we Köpetdag etraplarynyň Zähmet we ilaty iş bilen üpjünçiligi bölümleri tarapyndan guralar.

Boş iş orunlaryň ýarmarkasy sagat 09:00-dan 12:00-e çenli dowam eder.

Ähli guramalar, kärhanalar, şereketler we telekeçiler 2025-nji ýylyň 1-nji fewralyna çenli boş iş orunlar barada maglumatlaryny bermeli hem-de ýokarda agzalan çäräni guramaga gatnaşmaly.

Işe ýerleşmek isleýänleriň ýany bilen pasporty hem-de zähmet depderçesi bolmaly.

Ähli soraglar bilen aşakdaky telefon belgileri boýunça ýüz tutmaly:

Aşgabat şäheriniň Zähmet we ilaty iş bilen üpjünçiligi müdirligi (Aşgabat şäher Häkimliginiň Döwlet gulluklarynyň binasy) – 39-34-56;

Bagtyýarlyk etraby (Aşgabat şäher Häkimliginiň Döwlet gulluklarynyň binasy) – 39-34-64;

Berkararlyk etraby (Aşgabat şäher Häkimliginiň Döwlet gulluklarynyň binasy) – 39-34-71;

Büzmeýin etraby (Oguzhan köç., j.8) – 35-12-69;

Köpetdag etraby (Aşgabat şäher Häkimliginiň Döwlet gulluklarynyň binasy) – 39-34-76;

Türkmenistanyň Senagatçylar we telekeçiler partiýasynyň Aşgabat şäher komiteti (S.Türkmenbaşy şaýoly, j.81) – 22-74-07.

ORIENT news