Gazagystan Ýewropa haryt daşamak üçin Türkmenistandan geçýän täze ugurlary ösdürýär
28.01.2025 | 17:40 |
Gazagystan Türkmenistandan, Eýrandan we Türkiýeden geçýän, Ýewropa ugrukdyrylan alternatiw ulag ýollaryny ösdürýär. Bu barada Gazagystan Respublikasynyň Ulag ministrligi habar berýär.
Ministrligiň maglumatyna görä, häzirki wagtda Türkmenistandan, Eýrandan we Türkiýeden geçip, Ýewropa ýurtlaryna çykýan alternatiw ulag ýoluny döretmek boýunça işler alnyp barylýar.
Daşaýyşlary ýeňilleşdirmek maksady bilen, Gazagystan bilen Türkmenistanyň arasynda rugsatsyz awtoulag daşamalary ulgamyny ornaşdyrmak boýunça işler alnyp barylýar.
2024-nji ýylyň 10-njy oktýabrynda Gazagystan bilen Türkmenistanyň arasynda halkara awtoulag daşamalary boýunça hökümetara şertnama üýtgetmeler girizmek baradaky protokola gol çekildi. Häzirki wagtda bu protokoly tassyklamak işleri dowam edýär.
Mundan başga-da, Gazagystan bilen Türkmenistanyň arasynda sürüjiler üçin wizasyz geçiş düzgüni girizmek mümkinçiligi göz öňünde tutulýar.
Eýran we Türkiýe bilen bagly maglumatlara görä, her ýyl ýeterlik möçberde awtoulag daşamalaryna rugsatnamalar alyşylýar we şol bir wagtda sürüjiler wiza talaplaryndan boşadylandygy bellenilýär.
ORIENT News
Foto: germes-avia.ru
Şeýle hem okaň:
29.01.2025
|09:40
28.01.2025
|12:05
