Türkmenistanyň we Owganystanyň 2023-nji ýyldaky söwda dolanyşygy 457 million ABŞ dollaryna barabar boldy. Söwda dolanyşygynyň depginli ösüşi 2024-nji ýylda hem oňyn saklanýar. Şu ýylyň ilkinji aýynda iki ýurduň özara söwdasy 46 million dollara ýetdi.

Türkmen halkynyň Mili Lideri, Türkmenistanyň Halk Maslahatynyň Başlygy Gurbanguly Berdimuhamedow Türkiýä bolan saparynyň çäklerinde žurnalistleriň soraglaryna beren jogabynda türkmen mawy ýangyjyny Hazaryň we Azerbaýjanyň üsti bilen Türkiýä ibermek üçin mümkinçilikleriň bardygyny belledi.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow häzirki wagtda Türkmenistanyň täze ýollary gurmak boýunça başlangyçlary öňe sürýändigini, munuň diňe bir özara bähbitli hyzmatdaşlygy ösdürmäge ýardam bermän, eýsem, döwletleriň we halklaryň arasyndaky dostlukly gatnaşyklary hem pugtalandyrmaga goşant goşýandygyny belledi.

Duşenbe güni Aşgabatda owgan harytlarynyň sergisi açyldy. Türkmenistanyň söwda-senagat edarasynyň sergiler merkezinde guralýan çäräniň çäklerinde ilkinji Türkmen-owgan işewürler maslahaty hem guralýar.

BMG-niň Ösüş maksatnamasynyň we "Türkmenaragatnaşyk" agentliginiň arasynda Türkmenistanda pudagara elektron özara gatnaşyklaryň synag ulgamyny ornaşdyrmaga gönükdirilen bilelikdäki taslamasynyň çäklerinde döwlet hyzmatlaryny sanlylaşdyrmakda tejribeleri öwrenmek maksady bilen 26-njy fewral - 1-nji mart aralygynda agentligiň wekilleriniň Gyrgyzystana sapary guraldy.

Anna güni geçirilen Hökümet mejlisinde Türkmenistanyň Prezidenti Serdar Berdimuhamedow energetika pudagynyň kuwwatyny, elektrik energiýasynyň eksport edilýän möçberini hem artdyrmagyň möhümdigini belledi.

«Balkan» gämi gurluşyk we abatlaýyş zawody deňiz gämi gatnaw pudagynda müşderileriň dürli isleglerini kanagatlandyrmak üçin Deňiz agentirleme işleri boýunça hyzmatlary hödürleýär. Bu barada «Türkmendeňizderýaýollary» agentligi habar berýär.

Hytaý 2024-nji ýylda tebigy gazyň importyny, geçen ýyl bilen deňeşdirilende, 8,2 göterim artdyryp, 179,1 milliard kub metre ýetirer diýip, «Bloomberg» ýurduň iň iri energetika kompaniýasy bolan «China National Petroleum Corp» (CNPC) korporasiýasynyň çaklamalaryna salgylanyp habar berýär.

Anna güni geçirilen Türkmenistanyň Ministrler Kabinetiniň mejlisinde wise-premýer Batyr Atdaýew gözegçilik edýän edara-kärhanalaryň, Türkmenistanyň Senagatçylar we telekeçiler birleşmesiniň şu ýylyň iki aýynda alyp baran işleri barada hasabat berdi.

27-nji fewral - 1-nji mart aralygynda Birleşen Milletler Guramasynyň Nýu-Ýorkdaky ştab-kwartirasynda BMG-niň Statistika komissiýasynyň 55-nji sessiýasy geçirildi.