23-nji sentýabrda, duşenbe güni geçirilen duşuşykda Türkmenistanyñ daşary işler ministri Raşid Meredow we Koreýa Respublikasynyñ Ýer, infrastruktura we ulag ministri Pak San U ulag-üstaşyr we logistika infrastrukturasyny giñeltmek boýunça Türkmenistanyñ iri taslamalarynyñ çäklerinde hyzmatdaşlyk ýagdaýyny we mümkinçiliklerini ara alyp maslahatlaşdylar.

BMG-niñ Ösüş maksatnamasy hem-de Türkmenistandaky Beýik Britaniýanyñ Ilçihanasy döredijilikli we innowasion ykdysadyýetiñ ösdürilmegine goldaw bermek bilen durnukly ykdysady ösuşe ýardam etmekde tagallalaryny birleşdirdiler.

20-nji sentýabrda Pekinde “Gazprom” AGPJ-iň müdiriýetiniň başlygy Alekseý Miller bilen CNPC dolandyryş geňeşiniň başlygy Daý Houlýanyň arasynda iş duşuşygy geçirildi.

Türkmenistanyñ wekiliýeti 16-18-nji sentýabr aralygynda Abu-Dabide (BAE) geçirilen Jemagat kärhanalarynyñ bütindünýä kongressine (World Utilities Congress 2024) gatnaşdy.

Penşenbe güni, 19-njy sentýabrda Prezident Serdar Berdimuhamedowyñ Yslam ösüş bankynyñ başlygy Muhammad Al-Jasser bilen geçiren duşuşygynda saglygy goraýyş, energetika we ulag ýaly ugurlar boýunça Türkmenistanyñ Yspam ösüş banky bilen hyzmatdaşlygy ösdürmek mümkinçilikleri ara alnyp maslahatlaşyldy.

Çaddan gelen CNPC-iň nebiti gaýtadan işleýän zawodyň 30 işgäri, Hytaýyň Ýumen nebit ýatagynda üç aýlap hünär taýýarlygyny ýokarlandyrmak boýunça okuwlaryndan soň synaglaryndan üstünlikli geçip, CNPC-iň şahadatnamalaryny aldylar. CNPC ilkinji gezek bilelikdäki daşary ýurtdaky kärhanalarynda işgärleriň hünär ussatlygyna baha bermek ülňülerini durmuşa geçirdi we daşary ýurtly işgärlere degişli şahadatnamalary berdi.

Ýakynda Pekin şäherindäki Hytaýyň nebit uniwersitetinde geçirilen duşuşykda Türkmenistanyň we Hytaýyň arasyndaky hyzmatdaşlygyň esasy ugurlary ara alnyp maslahatlaşyldy. Dabara täze okuw ýylynyň başlanmagy, beýik türkmen şahyry Magtymguly Pyragynyň doglan gününiň 300 ýyllygy we Türkmenistanyň garaşsyzlygynyň 33 ýyllygy mynasybetli geçirildi.

Türkmenistanyň wekiliýeti geçen hepde 12-13-nji sentýabrda Pragada geçirilen ÝHHG-niň 31-nji Ykdysady we ekologiýa maslahatyna gatnaşdy.

Duşenbe güni Türkmenistanyň daşary işler ministriniň orunbasary Ahmet Gurbanow Bütindünýä söwda guramasyna goşulyşmak boýunça departament müdiri Maýk Oşikawanyň ýolbaşçylygyndaky BSG-niň wekiliýeti bilen duşuşdy. Duşuşygyň dowamynda taraplar zerur bolan çäreleriniň esasy tapgyrlaryny we meýilnamalaryny ara alyp maslahatlaşmak bilen, Türkmenistanyň BSG-niň agzalygyna girmeginiň taýýarlyk işlerini utgaşdyrdylar.

Duşenbe güni Türkmenistanyň DIM-nde 10-11-nji sentýabr aralygynda Aşgabatda geçirilen Maýa goýum maslahatynyň we sergisiniň (TIF-2024) netijeleri boýunça brifing geçirildi. Çärä döwlet edaralarynyň, halkara guramalarynyň wekilleri hem-de ýerli we daşary ýurtly köpçülikleýin habar beriş serişdeleri gatnaşdy.