Çarşenbe güni, ÝUNESKO Bütindünýä sanawyna 64 dokumental ýygyndysynyň goşulandygyny yglan etdi we sanawda ýygyndylaryň umumy sanyny 494-e ýetirdi. Sanawa Türkmenistan tarapyndan teklip edilen Magtymguly Pyragynyň golýazmalar ýygyndysy hem girdi.

Syýasy sypaýylyk — bu XXI asyryň dili bolmak bilen, ol dawalardan we düşünişmezliklerden azat adamzat jemgyýetiniň ösüşini kesgitleýär. 1980-nji ýyllarda syýasy sypaýylyk ýa-da «inklýuziw dil» hadysasy bir tarapdan ilatyň gowşak toparlaryny kemsitmelerden goramaga ymtylyşyny, beýleki bir tarapdan bolsa — şunuň ýaly çydamsyzlygyň islendik görnüşlerini ýok etmekligi özünde utgaşdyrýardy.

Türkmenistanyň Suratkeşler birleşiginiň Sergi merkeziniň paýtagtdaky galereýasynda «Sazlaşygyň ýesirliginde» atly sergi açyldy.

31-nji maýdan 2-nji iýun aralygynda Ermenistanda Türkmenistanyň Medeniýet günleri geçiriler. Bu barada Türkmenistanyň Ermenistandaky ilçihanasynyň Instagramdaky sahypasynda habar berilýär.

Türkmenistanyň ÝUNESKO-nyň işleri boýunça Milli toparynyň jogapkär sekretary Çynar Rüstemowa D.Azady adyndaky Türkmen milli dünýä dilleri institutynda çykyş etmek bilen, Türkmenistanyň ÝUNESKO-nyň sanawyna täze hödürnamalary hödürlemek boýunça käbir meýilnamalary yglan etdi.

Türkmenistanyň Russiýadaky Baş konsullygy (Astrahan şäheri) beýik türkmen şahyry we akyldary Magtymguly Pyragynyň doglan gününiň 300 ýyllygyna bagyşlanan baýramçylyk çäresini gurady.

Daşkent şu günler uly döredijilik meýdançasyna öwrüldi - 22-nji maýdan 28-nji maý aralygynda bu ýerde "Ýewraziýa" Halkara teatr sungaty festiwaly geçirilýär. Azerbaýjandan, Belarusdan, Gruziýadan, Gazagystandan, Gyrgyzystandan, Russiýadan, Türkmenistandan, Täjigistandan, Türkiýeden we Özbegistandan gelen döredijilik toparlary öz sungat başarnyklaryny özbek halkyna hödürlärler.

Awstriýa auksion kompaniýasynyň "Ajaýyp gadymy gündogar halylary-XXXIII" nobatdaky auksiony 10-njy iýunda Wenada geçiriler. Auksionda gadymy türkmen, kawkaz, anadoly, pars, hytaý halylary we başga-da 165 haly önümi bar.

Türkmenistanyň Ýaşlar simfoniki orkestriniň özboluşly Gala konserti 27-nji maýda Aşgabatda geçiriler. Uly çagalar horunyň hem gatnaşjak saz çäresi Çagalar gününe bagyşlanyp, Türkmenistanyň Medeniýet ministrliginiň goldawy bilen paýtagtyň Mukam köşgünde geçiriler.

Retro stiline mahsus bolan konsert Daňatar Öwezow adyndaky Türkmen döwlet sazçylyk mekdebiniň wokal bölüminiň dürli ýyllardaky uçurymlary tarapyndan berler. Aýdym-saz meýdançasynda 80-nji ýyllaryň türkmen estrada ýyldyzlary - Maýa Omadowa, Ýelena Oreşkina, Töre Şabasanow, Nina Ýarsewa, Aleksandr Ýerhan, Hasar Atamyradow dagylar çykyş ederler.