Ýabany haýwanlaryň göçýän görnüşlerini gorap saklamak oýunça Konwensiýa (Bonn konwensiýasy) we Germaniýanyň Tebigaty goramak boýunça federal agentligi Merkezi Aziýa süýdemdirijileri boýunça başlangyjyň çäklerinde pars gaplaňyny gorap saklamagyň sebitleýin strategiýasyny kabul etmek üçin onuň çäginde ýaşaýan döwletleriniň wekilleri bilen duşuşygy guramagy meýilleşdirýär.

7-nji dekabrda Monreal şäherinde BMG-niň biodürlülik baradaky 15-nji konferensiýasynyň (COP15) ikinji tapgyry boýunça duşuşyk geçirildi. Dünýäniň dürli künjeklerinden gelen ýurtlaryň hökümetleri 2030-njy ýyla çenli daşky gurşawa degişli global hereketleri alyp barjak täze maksatlar we taslamalar barada özara ylalaşmak üçin ýygnanarlar.

Argentinada 70 million ýyl mundan ozal planetamyzda ýaşan uly bolmadyk dinozawrlaryň täze görnüşleriniň galyndylaryny tapdylar. Bu barada Ylmy we tehniki gözlegleriň milli geňeşine (CONICET) salgylanyp, TASS habar berýär.

Gazagystan Hazar düwlenleriniň görnüşlerini gorap saklamak üçin döwlet ätiýaçlandyrmasyny döredýär diýip, respublikanyň ekologiýa, geologiýa we tebigy serişdeler ministri Serikkali Brekeşewiň aýdan sözlerine salgylanyp, RIA Nowosti habar berýär.

Hazar düwlenleriniň köpçülikleýin gyrylmagynyň esasy sebäpleri Hazar deňzine adam täsirleri bilen baglanyşykly bolmadyk «tebigy sebäpleriň» täsirleri hökmünde ykrar edildi. Bu barada Dagystan Respublikasynyň Tebigy baýlyklar ministrligi resmiTelegram kanalynda habar berýär.

Dagystanda Hazar deňziniň kenarynda 700-e golaý ölen düwlenler tapyldy. Olar Mahaçkala şäheriniň Kirowsk etrabynda, Nebitbazasyndan Sulak derýasynyň agzyna çenli bölekde ýüze çykaryldy diýip, Rusbalykçylygynyň Demirgazyk-Kawkaz çäk müdirliginiň metbugat gullygy habar berýär.

BMG, Merkezi Aziýa döwletleriniň we Ýewropa Bileleşiginiň wekilleri «Sendai» çarçuwaly taslamasynyň durmuşa geçirilişini ara alyp maslahatlaşmak üçin ýygnandylar, onuň çäklerinde Merkezi Aziýada betbagtçylyklaryň töwekgelçiligini azaltmak boýunça bilelikdäki strategiýa işlenip düzüldi.

Merkezi Aziýa we Kawkaz ýurtlarynyň wekilleri çekirtgeleriň hüjümlerine garşy göreşde mundan beýläkki hyzmatdaşlyk etmek we tejribe alyşmak barada ylalaşyk gazandylar.

Gaýtadan dikeldilýän energiýa çeşmelerini ulanmaga geçmek we atmosfera metanyň zyňyndylaryny azaltmak meselesi Türkmenistan bilen Ýewropa Birleşiginiň Aşgabatda geçirilen bilelikdäki ylmy we amaly maslahatynyň esasy temasyna öwrüldi. Bu barada ORIENT-iň habarçysy habar berýär.

Parnik gazlarynyň we toplanan ýylylygyň barha artýan konsentrasiýalary soňky 8 ýylyň iň yssy döwür bolup biljekdigini görkezýär.