Türkmen-eýran hökümetara toparynyň konsullyk we gümrük meseleleri boýunça mejlisi geçirildi
28.02.2025 | 17:32 |
Türkmenistan bilen Eýran Yslam Respublikasynyň arasynda konsullyk, serhet we gümrük meseleleri boýunça hökümetara toparynyň 17-nji mejlisi 27-nji fewralda Aşgabatda, Türkmenistanyň Daşary işler ministrliginde geçirildi. Mejlisiň işine degişli ministrlikleriň we hukuk goraýjy edaralaryň ýolbaşçylary hem-de wekilleri gatnaşdy.
Türkmen tarapynyň wekiliýetine Türkmenistanyň Daşary işler ministriniň orunbasary Ahmed Gurbanow, eýran tarapynyň wekiliýetine bolsa, Eýran Yslam Respublikasynyň Daşary işler ministriniň orunbasary Wahid Jalalzade ýolbaşçylyk etdi.
Duşuşykda 2024-nji ýylyň fewral aýynda Tähranda geçirilen hökümetara toparyň 16-njy mejlisinde gazanylan ylalaşyklaryň ýerine ýetirilişi ara alnyp maslahatlaşyldy diýip, Türkmenistanyň DIM-niň metbugat beýanatynda bellenilýär.
Taraplar özara gatnaşyklaryň häzirki ýagdaýy we geljegi barada pikir alyşdylar, şeýle-de gazanylan ylalaşyklaryň doly ýerine ýetirilmeginiň ähmiýetini nygtadylar. Mejlisiň jemleri boýunça jemleýji teswirnama gol çekildi.
ORIENT
Foto: mfa.gov.tm
Şeýle hem okaň:
03.03.2025
|12:05
27.02.2025
|09:20
26.02.2025
|22:35
26.02.2025
|10:29
26.02.2025
|04:55
25.02.2025
|18:21
